YPG’ê nasnameya 6 şervanên YPG/YPJ’ê yên bi Berxwedana Serdemê ya Efrîn û Pêngava Bagera Cizîr a rizgarkirina Dêra Zorê de şehîd bûne eşkere kir.
NAVENDA NÛÇEYAN – Navenda Ragihandin û Çapemeniyê ya YPG’ê bi daxuyaniyekê nasnameya 6 şervanên YPG/YPJ’ê yên bi Berxwedana Serdemê ya Efrîn û Pêngava Bagera Cizîr a rizgarkirina Dêra Zorê de li dem û cihên cuda şehîd bûne eşkere kir.
Navenda YPG’ê têkildarî mijarê ev agahî da:
“Di çarçoveya Qonaxa Duyemîn a Pêngava Berxwedana Serdemê ya li Efrînê de, hêzên me li hember gelek xal û baregehên artêşên Tirk a dagirker û çeteyên girêdayî wî, li navenda bajarê Efrîn û gundewarên wê rêzeçalakiyên bi bandor pêk anîn.
Di dîroka 22’yê Adarê, hêzên me li hember leşkerên artêşa Tirk a dagirker û çeteyên girêdayî wê yên ku li çiyayê Hawar ya herêma Raco bicih bûbûn çalakiyeke bi bandor pêk anîn. Di çalakiya ku gelek leşker û çeteyên artêşa dagirker hate kuştin de, hevalekî em di encama êrîşên hewayî ya artêşa dagirkeran de şehîd ket.
Dîsa di dîrokên 2-4’ê Nîsanê de li heman herêmê, piştî çalakiyan 4 hevalên me di encama êrîşên hewayî ya artêşa Tirk a dagirker de şehîd ketin.
Di çarçoveya Pêngava Bagera Cizîrê ya Dêra Zorê ku hêzên me jî têde cih digirin de; 17’ê Hezîranê, di dema operasyona rizgarkirina bajarokê Dişîşa ji çeteyên DAIŞ şerê dijwar rû dabûn. Di encama şer de yek ji fermandarê hêzên me yên li herêmê rêheval Mahir Çiya piştî berxwedaneke lehengî gihîşt şehadetê.
Em rêheval Mahir Çiya û 5 hevalên xwe yên din ku di Berxwedana Serdemê û pêngava Bager Cizîrê de şehîd ketin bi rêzdarî bibîr tînin. Em soz didin ku heta biser xistina têkoşîna şehîdên xwe em ê têkoşînê bidomînin.”
AGAHIYÊN TÊKILDARÎ NASNAMEYAN
Nasnameyên şervanên şehîd bûne wiha ne:
Nasnav: Awyer Rojhilat
Nav û Paşnav: Mehran Muhamedî
Navê Dayikê: Keraman
Navê Bav: Nemat
Cihê Jidayibûnê: Tehran
Cih û Dîroka Şehadetê: Efrîn / Raco / Çiyayê Hawarê / 2’ê Nîsana 2018
***
Nasnav: Cudî Rojava
Nav û Paşnav: Hediye Hesen
Navê Dayikê: Ezîze
Navê Bav: Ednan
Cihê Jidayibûnê: Girkêlegê
Cih û Dîroka Şehadetê: Efrîn / Raco / Çiyayê Hawarê / 3’yê Nîsana 2018
***
Nasnav: Hîwa Azad
Nav û Paşnav: Samanî Karaberdî
Navê Dayikê: Emîne
Navê Bav: Behman
Cihê Jidayibûnê: Sine
Cih û Dîroka Şehadetê: Efrîn / Raco / Çiyayê Hawarê / 3’yê Nîsana 2018
***
Nasnav: Mahîr Çiya
Nav û Paşnav: Abdullah Îlhan
Navê Dayikê: Nuriye
Navê Bav: Mehmet
Cih û Dîroka Şehadetê: Dêrezor / 17’ê Hezîrana 2018
***
Nasnav: Reşîd Helo
Nav û Paşnav: Bextiyar Mihemed Pur
Navê Dayikê: Xedîce
Navê Bav: Elî
Cihê Jidayibûnê: Saqiz
Cih û Dîroka Şehadetê: Efrîn / Raco / Çiyayê Hawarê / 4’ê Nîsana 2018
***
Nasnav: Şervan Zagros
Nav û Paşnav: Alan Ibrahîm
Navê Dayikê: Nura
Navê Bav: Ibrahîm
Cihê Jidayibûnê: Dirbêsiyê
Cih û Dîroka Şehadetê: Efrîn / Raco / Çiyayê Hawarê / 22’yê Adar 2018
