Navenda Ragihandin û Çapemeniyê ya HPG’ê têkildarî operasyon û bombebaranê daxuyanî da û ev tişt diyar kir;
NAVENDA NÛÇEYAN:
LI ŞEMZÎNANÊ OPERASYON
Roja 23’ê Adarê artêşa Tirk a dagirker li herêma Govendê ya navçeya Şemzînan a Colemêrgê bi piştgiriya helîkopterên tîpa kobra bi helîkopterên skorksy leşger şandiye herêmê û operasyoneke dagirkirinê dabû destpêkirin. Roja 26’ê Adarê helîkopterên tîpa kobra di navbera seat 23:00 û 00:00’an de gundê Hergûş û herêma Deriyê Pan bombe kir. Li aliyê din dîsa heman rojê seat 22:00’an û roja 27’ê Adarê seat 06:30:’an de artêşa Tirk a dagirker herêma Mamreşo bi hawan û obusan topbaran kir.
ÊRÎŞÊN HEWAYÎ Û BOMBEBARAN
Roja 26’ê Adarê balafirên şer ên artêşa Tirk a dagirker li dijî Herêmên Parastinê yên Medyayê êrîşên hewayî li dar xist. Di vê çarçoveyê de;
Balafirên şer di navbera seat 20:00’an û 21:00’an de herêma Kozîne û Dola Zergelê ya herêma Qendîlê, herêma Kevorkê ya herêma Xakûrkê, Herêma Çemço, Şikefta Birîndaran, Werxelê û Saca yên herêma Zapê bomberdûman kir. Dîsan roja 27’ê Adarê danê sibê balafirên şer bombe li herêma gundê Kokerê û Şkefta Birîndara a Zapê barand.
