NAVENDA NÛÇEYAN- Hate ragihandin li yek ji otelên nava bazara Silêmanî ya Başûrê Kurdistanê ciwaneke Bakurê Kurdistanê bi navê Dogan (24) ku ji bo karkeriyê bi birayê xwe re derbasî Başûrê Kurdistanê biribû, mirî hate dîtin.
Hate ragihandin ku li ser bedena wî şopên gelek kêran hene.
Çavkaniyeke ewlekariyê ragihand ku mafê herdu birayan li gorî yasayê hebû ku li wê otelê bimînin û got: “Dema bûyer rû dayî yek ji wan li ser kar bû. Heta niha nayê zanîn gelo êriş li nava otelê li ser wî hatiye kirin, yan jî ji derve birîndar bûye û li nava otelê jiyana xwe ji dest daye.”
Yekîneyên Parastina Sûc û Hêzên Asayîşa Silêmaniyê çûne cihê bûyerê û dest bi lêkolînê kirine.
Cenaze jî rakirine saziya diba edlî ya Silêmaniyê.
