QAMIŞLO – Li Zanîngeha Rojava ya li Qamişlo xwendekarên bi daxuyanik qetilkirina Rojîn Kabaîş şermezar kirin.
Xwendekara Zanîngeha Yuzuncu Yilê ya Wanê Rojîn Kabaîş ku di 27’ê Îlona 2024’an de winda bû, piştî 18 rojan cenazeyê wê hate dîtin. Ev bûyera ku lêpirsîna wê hîn dewam dike, rojeveke mezin li Kurdistanê û Tirkiyê ava kir.
Yekîtiya Xwendekarên Welatparêz ên Sûriyê li seranserê Bakur û Rojhilatê Sûriyeyê di nav de zanîngehê Kobanî û zanîngehê Reqa daxûyaniyan ji bo daxwaza edaletê Rojîn Kabaiş dan. Xwendekarên Zanîngeha Rojava ya Qamişlo jî li ser doza Rojîn helwest nîşan dan. Xwendekarên ji bo dayîna daxuyaniyek hatin cem hev û banga edaletê ji bo Rojînê kirin.
Di daxuyani da ronîkirina mirina Rojînê û lêpirsîna zelal hat xwestin. Her wiha hat gotin ku bila tedbîrên lezgîn ji bo ewlehiya jinan li zanîngeh û wargehan were misogerkirin.
Çalakî bi dirûşmeya “Jin, Jîyan, Azadî” bi dawî bû.
Her wiha, xwendekarekî Zanîngeha Rojava bi navê Ebdulrehman Xaliş wiha got: “Rojîn, mîna me, xwendekarek bû ku ji bo xwendinê çû zanîngehê. Wê tenê dixwest fêr bibe û xwe pêş bixe. Lê belê, ew bû qurbanê şîdeta destdirêjî Di demên dawî de li zanîngehan bi taybetî li dijî jinên ciwan gelek bûyerên sûcên destdirêjî çêbûne.
Ji ber vê, wekî xwendekar, em piştgiri didin xwendekarên jinên ciwan. Em sersaxiyên xwe ji malbat û hevalên Rojînê re dixwazin.”
Xwendekar Arîn Mamo jî diyar kir ku ew wek jineke ciwan tundî li ser xwendekaran qebûl nake û destnişan kir ku yek ji sedema destdirêjî û şîdeta zayendî li Bakur Kurdistanê, zihniyeta faşîst ya dewleta Tirk ye.
