REQA – Gelê Reqayê du şervanên Hêzên Xweparastinê û endamekî Hêzên Ewlekariya Hundirîn oxir kirin.
Bi sedan şêniyên Reqayê, endamên saziyên sivîl û leşkerî, tevgerên ciwanan û jinan ber bi Goristana Şehîdan a li bajarokê El-Hokomiye ve çûn da ku beşdarî merasîma cenazeyê endamê Hêzên Ewlekariya Hundirîn Hisên Xelef El-Elî bibin, ku di 26ê Îlonê de dema ku erkê xwe pêk dianî şehîd bû, û du şervanên Hêzên Xweparastinê, Xalid Hisên El-Ehmed û Îsmaîl Mihemed El-Ebd, ku di 26’ê Îlonê de di qezayek trafîkê de şehîd bûn.
Merasîm bi deqeyek bêdengiyê ji bo bîranîna şehîdan dest pê kir. Piştre, merasîmek leşkerî ji aliyê endamên Hêzên Ewlekariya Hundirîn ve hate lidarxistin. Hevserokê Meclîsa Malbatên Şehîdan Ehmed El-Şêx axivî û sersaxî ji malbatên şehîdan xwest. Wî got, “Bi navê Meclîsa Malbatên Şehîdan, em bi rêz û hurmet li ber şehîdên xwe yên ku canê xwe feda kirin da ku herêmên me di ewlehî û aştiyê de bijîn, bejna xwe ditewînin. Şehîdên me çirayên ku rêya kesên ku rêya xwe winda kirine ronî dikin.”
Şêx Huseyîn El-Elî, endamê Konferansa Îslamî ya Demokratîk li Parêzgeha Reqayê, di axaftina xwe de tekez kir: “Îro em li ber merasîma bi heybet a şehîdên xwe radiwestin. Em ji Xwedê dixwazin ku cihekî fireh li bihuştê bide wan û bihuşta herî bilind bide wan.”
Merasîma bi xwendina wesîqeyên sê şehîdan û radestkirina wan ji malbatên wan re bi dawî bû. Piştre cenazeyan hatin veşartin.
