HELEB – Li taxa Şêxmeqsûd a Helebê, bi pêşengiya Tevgera Ciwanên Şoreşger û Yekîtiya Jinên Ciwan, komxebatek li ser desthilatdarî û demokrasîyê bi dirûşmeya “Israrkirina li ser mirovahiyê israrkirina li ser sosyalîzmê ye” hate lidarxistin. Gelek ciwan beşdarî komxebatê bûn.
Çalakî bi deqeyek bêdengiyê ji bo bîranîna şehîdên şoreşê dest pê kir. Piştî vê yekê, nêrînên Rêber Apo li ser modernîteya demokratîk hatin xwendin. Di seranserê komxebatê de, nîqaşên komî li ser pirsên bingehîn ên di derbarê têgehên desthilatdarî û demokrasiyê de sekinîn.
Beşdaran li ser rola ciwanan di avakirina pergalên demokratîk, têkiliyên dewlet-civakê û rola jinan di têkoşîna azadiyê de nîqaş kirin. Di dawiya nîqaşan de, komxebat bi nirxandinên hevbeş bi dawî bû.
Komxebat bi reqsa helayê ya ciwanan û qîrîna dirûşmeyên wekî “Bê Serok Jiyan Nabe”, “Jin, jiyan, azadî” û “Şehîd Namirin” bi dawî bû.
