REQA – Yekîtîya Jinên Ciwan ên Reqqayê daxuyaniyek weşand û tundiya li ser jinan û kuştina jinên ciwan şermezar kir. Di daxuyaniyê de tekez li ser pêwîstiya yekbûna jinên ji hemû herêmên Bakur û Rojhilatê Sûriyeyê li dijî sûcên ku azadî û mafên wan binpê dikin hate kirin.
Di daxuyaniyê de, kuştina jineke 17 salî ya dawî li Kantona Cizirê ji aliyê hevjînê wê ve hate bibîrxistin û hate gotin zewaca temen biçûk û qetilkirina jinan sucên herî mezin in.
Di daxuyaniyê de ev tişt hebûn: “Jin di bin zext û tundiyê de dijîn. Têkoşîna wan a ji bo bidestxistina mafên xwe yên bingehîn tê astengkirin. Di demekê de ku hişmendiya mêr armanc û ramanên xwe ferz dike, îrade û baweriya jinan bi xwe tê hedefgirtin. Em, wekî jinên ciwan, dê li ber xwe bidin û şer bikin heta ku hemû jinên cîhanê azad bibin.”
Yekîtîya Jinên Ciwan ên Reqqayê piştgiriya xwe ji bo hemû jinên Bakur û Rojhilatê Sûriyeyê tekez kir û diyar kir ku ew ê têkoşîna xwe ya ber bi yekîtî, demokrasî û azadiyê ve bidomînin. D
axuyaniya ku bi Erebî hat dayîn, bi dirûşmeyên Erebî “Na ji şîdeta li dijî jinan re” û “Jin Jiyan Azadî” bi dawî bû.
