NAVENDA NÛÇEYAN – Yekîtiya Xwendekarên Welatparêz ên Sûriyê dewreyê perwerde a ku li ser navê şehîd Ronîza Mihemed di binyeya Akademiya Şehîd Şahîn de dabûn destpêkirin bi dawî kirin. Perwerde 15 roj berdewam bû û tê de ders û semînerên cûr bi cûr li ser esasê paradîgmayê Konfederalîzma Demokratîk a Rêber APO hat dayîn. Di dawiyê perwerdeyê de bi amadebûna malbata şehîd Ronîza Mihemed û bi dehan mêvanan moralekî ji aliyê endamên perwerde ve hat lidarxistin.
Di moralê de stran, şano û helbest hatin pêşkêşkirin. Her wiha, wêneya Şehîd Ronîza Mihamed ji malbata wî re hat diyarî kirin.
Endamê perwerdeyê Silava Mihemed di derbarê dewreyê de ji ajansa me re hestên xwe parvekir: “Berî ku em derbasî perwerdê bibin bandoriya teknîkê pir li ser me hebû . Lê dema ku em derbasî perwerdeyê bûn me girîngiya çand û exlaq naskir.”
Hecer Diyab jî anî ser ziman ku: “Dema ku em derbasî vê perwerdeyê bun em fêrî gelek tiştan bûn, me dersên welatparêzî, rêxistinbûyin, çand, exlaq û ekolojî dît. Em dixwazin ku çanda me pêş bikeve û hemû ciwan derbasî perwerdê bibin.”
Raman Efrîn got ku: “Dema em derbasî perwerdeyê bûn me rêxistina xwe nas kir, me naskir çi ji me tê xwestin û mafên Kurdan çi ne. Me 15 roj perwerde girt lê wê her tim bandoriya wê li ser me hebe.”
Mihemed Heyder diyar kir ku: “Me 15 roj perwerde girt lê me gelek tişt naskirin wek fikir û felsefeya Rêber Apo û dîroka Kurdistanê. Em dixwazin ku hemû ciwan derbasî perwerdêyan bibin ji ber ku perwerde tiştekî pir girîng e di jiyana mirov de.”
Mezlûm Efrîn, berdevkê xwendekarên welatparêz ên Sûriyê jî wiha got: “Me wekî Yekîtiya Xwendekaran vê perwerdeyê li ser asta Bakur û Rojhilatê Sûriyê vekir ji bo ku xwendekarên me li ser fikir û felsefeya Rêber Apo bimeşin, ji bo ku xwendekar bikaribin di pêşerojê de, di asta civakê de, tiştên nû biafirînin û pêşketinên mezin di nava civakê de çêbikin.”
