NAVENDA NÛÇEYAN – Yekîtiya Jinên Ciwan li ser navê Şehîd Weid-El Xelûf akademiyekê nû vêkir. Ji bo bîranîna Şehîd Weid, ku 27’ê Tirmehê 2023’an de li Til Marûf di encamê êrîşên balafirên bê mirov ên dewleta tirk a dagirker şehîd bû, akademiyek nû taybet ji bo jinên ciwan ên ereb hatiye vêkirin. Niha carayekêm Akademî li ser asta Bakûr û Rojhilatê Sûriye, bi beşdarbûna 15 jinên ciwan ji herêmên cuda cuda despê kir. Dewreya yekêmîn li ser navê Şehîd Kerem El Hemed hatiye vêkirin. Şehîd Kerem di despêkê berxwedana tişrîne da bi erka xwe ya welatparêzî rabû û cihê xwe di parastina Bendava Tişrînê de girt. Di encamê êrîşên balafirên bê mirov ên çeteyên dewleta tirk a dagirker şehîd bû. Ji bo bîranina herdû pêşengên jinên ciwanên ereb Yekîtiya Jinên Ciwan bi coş û moralekê mezin Akademiya xwe da dest pê kirin. Moral bi deqeyek rêzgirtin ji bo hemû şehîdên şoreşê despê kir. Bi axaftinek li ser Şehîd Weid El-Xelûf dewam kir. Piştî vê bernameya çandî bi stran, govend û şano dewam kir.
Endamên Akademî bi şanoyekê taybet dixwaztin bal bikişînin li ser heqîqet û dewlemendiya çandî ya welatê Sûriyê û çawa ev dewlemendî ji aliyê hêzên hegemon û dagirker ve tê hedefgirtin. Di encamê de çareserî tê nişandan. Çareserî jî ewê ku hemû gelan bi vedigerin li ser cewherî û kok xwe û di welatê Sûriyê de bi pêşengtiya jinên ciwan aşitî pêk tê.
Çiroka Şano wiha ye:
‘’Welatekî hebû. Ji bo zarokên hemû gel, netew û baweriyan bû. Bihuşta jiyaneke aram û azad bû. Ev welat jî Sûriyeyê bû. Ereb, Kurd, Ermenî, Durzî, Elewî û Tirkmen bi hev re dijiyan. Zarokên van bi hev re dilîstin. Ew bi hev re mezin bûn. Ew jiyanek bê xem û bê şer bû.
Lê ev bihuşta aştiyê di xeteriyê de ye. Dema ku hêzên hegemonîk bi pençeyên xwe yên xwînî û çavên birçî hatin welat talan, dizî û şer bi xwe re anîn. Sûriye hat dagirkirin. Çavên xwe girtin û ronahî bi xwe re bir. Wan jiyana rengîn anîn xilasiyê.
Tevî hemû hewldanên xwînî yên hêzên hegemon, xwesteka xwegihaninda azadî û aştiyê ya vê civakê bi dawî nebû. Di kêliya herî krîtîk de, kevoka spî ya aştiyê rabû ser xwe, baskên xwe li ser Sûriyeyê vekir û welat ji hemû hêzên dagirker paqij kir. Yek bi yek, ew zarokên vî welatî rakir ser piyan û ew anî cem hev. Ev nûvejîna Sûriyeyê bû. Careke din, bi hemû dewlemendiya xwe, serê xwe ber bi cîhanê ve bilind kir û bi dengekî zelal got: “Ez heme, û ez ê her û her bim.”
Jinên Ciwan û pêşdarî Akademî bûnê behsa wate û giringiya perwerde kirin û anîn ser ziman ku pêwîste her jinekê ciwan xwe perwerde bike. Dan diyarkirin ku di perwerde de jin cewhera xwe nas dike û vedigere eslê xwe. Banga li hemû jinên ciwan û taybet li jinên ciwan ên ereb û netewên ditîr kirin ku tevlî perwerde bibin û xwe rêxistin bikin.
