STUTTAGART – Li DKTM ya Stûttgartê ji bo hemû şehîdên fedaî û ciwanan di şexsê Şehîd Asya Elî û Rojger Hêlîn de ji aliyê beşdarên Meşa Dirêj ve çalakiya bîranînê hate lidarxistin.
Meşa Mezin a Ciwanan a ku wê di navbera 10-15’ê Sibatê de li Elmanyayê dest pê bike û li bajarê Strasboûrg ê Fransayê bi dawî bibe, bi çalakî û bîranînên cuda dewam dike. Di çarçoveya van çalakiyan de îro li Navenda Civaka Demokratîk a Kurd a Stûttgartê (DKTM) hemû şehîdên çalakiyên fedaî û ciwanan bi taybet şehîd Asya Elî û Rojger Hêlîn hatin bîranîn. Bernameya bîranînê ku bi sînevîzyonê dest pê kir, bi xwendina helbestên Tolhildan ji aliyê Şehîd Kasim Engîn ve bi dawî bû.
Şehîd Garantiya Jiyana Azad in
Di axaftina li ser navê Komîsyona Malbatên Şehîdan a piştî sînevîzyonê de ev tişt hatin gotin;
“Em şehîdên Kurdistanê Erdal, Rojhat, Asya, Rojger û hemû şehîdên Kurdistanê bi rêzdarî bi bîr tînin, soza ku me ji bo Kurdistana azad daye wan nû dikin û li vir soza xwe careke din nû dikin ku em ê bedelên pêwîst bidin vê dozê. Hevalno, divê baş were zanîn ku şehîdên me sedema hebûn, jiyan û şerê me ne. Berdêla vê heqîqeta ku me pênase dike çi dibe bila bibe, em ê bêyî hizirkirin bidin meşandin. Li Kurdistanê fedakarî ne nû ye. Ji bo jiyana azad bi hezaran heval û rêhevalên xwe yên bi salan me defin kir. Her çiqasî zehmet be ku behsa şehîdan were kirin jî, divê neyê jibîrkirin ku her şehadetek rastiyekê nîşanî me dide. Divê her şehîdek hesteke nû ya tolhildanê di me de biafirîne û bi vê hestê heta serkeftinê li hemberî dijmin şerekî bê eman bê meşandin. Rastiya van şehîdan ku me hemûyan fêrî berxwedan û parastina ziman, çand, welat, namûs û rûmeta xwe kir. Şehîdên Kurdistanê îspata vê yekê ne. Şehîdên Kurdistanê rêya me ronî kirin û perspektîfa têkoşîna jiyana azad pêşkêş kirin. Banga min ji hemû hevalan re ye; Yekane kesên rast ku divê em ji xwe re mînak bigirin ev kesayet in. Malbatên me, hevalên me, dê û bavên me ne. Xeta ku me diyar dike, me ber bi heqîqetê ve dibe û welatê me azad dike ev e. Em azadî û welatekî azad dixwazin. Ev ne tiştekî asayî ye.
Yê ku welatê wî tunebe tiştekî wî tune.
Divê her ciwanê Kurd ji vê rastiyê re vekirî be. Yê ku welatê wî tunebe tiştekî wî tune. Ne rastî, ne hest û ne jî mîrasek. Tevgera Azadiyê li Kurdistanê tevgereke tolhildana hezar salî ye. Li welatekî ku berê tiştek jê neliviyabû, bi saya rastiya van şehîdan em ji nû ve fêrî azadiyê û têkoşîna azadiyê bûn. Ev rê û şeklê jiyanê yê herî watedar e. Dema em li jiyana hemû şehîdan dinêrin em bi hêsanî vê yekê dibînin. Ji bo vê jî bi taybetî di vê pêvajoyê de divê her ciwanek bibe Zîlan, Hayrî û Kemal Pîr. Çarenûsa gelê Kurdistanê bi rastiya şehîdan re guheriye û êdî koletî ji aliyê din ve nayê ferzkirin. Rastiyeke gel a ku serxwebûn û azadiyê weke karakterê xwe didît hate afirandin. Em ê ji bo şehîdekî xwe deh dijmin, ji bo deh şehîdên xwe hezar dijmin ji holê rakin. Li Kurdistanê ne tenê dijmin namîne, heta siya dijmin jî wê nemîne. Berdêla wê çi dibe bila bibe em ê tola rastiya Rêber APO û şehîdên xwe hilînin û li welatê azad dest bi jiyana azad bikin. Êdî ne Kurd Kurdên berê ne, ne jî Kurdistan welatê metînger e. Kurdistan êdî welatê Asyayan, Rojgeran, Mazlûman û Bêrîtanan e. Jiyana bi rûmet jiyana şehîdan e.”
Piştî axaftinan çalakiya bîranînê piştî hunermendê herêmî Sîdar Ferît derket ser dikê. Bername bi dirûşmeyan bi dawî bû.
