TIŞRÎNÊ – Vê sibehê berxwedana dîrokî ya Bendava Tişrînê di roja 27’an de ye. Vê carê jî gelek jinên ciwan beşdarî berxwedanê bûn.
Nûce Ciwan îro bi van jinên ciwan re li ser rola jinên ciwan a di berxwedana dîrokî axivî.
Sîdrar û Dîlara ji kantona Cizîrê yên li ser rola jinên ciwan di Berxwedanê Tişrînê de axivîn û her yekê stranek diyarî hêzên YPJ û şehîdên bendavê kirin.
“JINÊN CIWAN CIHÊ XWE DI BERXWEDANA DÎROKÎ GIRTIN”
Jina ciwan a Amûdê ku stranek diyarî hêzên YPJ’ê kir wiha got:
“Navê min Sidrarê û ez ji Amûdê me û endamê Cand û Hûnera me.
Tevî êrîşên li ser Tişrînê jî em natirsin û bi moral dimînin. Weke jinên ciwan em li vir moralê didin gelê xwe.
Herî dawî me li vê derê li ser bendavê moralêk li dar xist û jinên ciwan bi gerandina govendê ya bi erbane re
me berxwedana QSD’ê pêşwazî kir. Weke jinên ciwan me cihê xwe di nava vê berxwedana dîrokî de girt.”
“BENDAVA TIŞRÎN TÊ WATEYA JIYANÊ Û WEKE JINÊN CIWAN EM JIYANÊ DIPARÊZIN”
Jina ciwan a bi navê Dîlara diyar kir ku jinên ciwan li Tişrînê jiyan diparêzin û ji bo şehîdên Tişrînê stranek diyarî kir.
“Navê min Dîlara ye û ez ji Qamislo me. Em ne tenê ji bo nobedariyê li vir in. Weke jinên ciwan em li vir in
ji bo parastina jiyanê. Ev bendav ji bo me tê wateya jiyanê ku av û kerebe dide gel.
Weke jin, weke jinên ciwan divê em vê jiyanê biparêzin.”
