KOBANÊ- Şeniyên Kobanê li dijî êrîşên dewleta Tirk a dagirker xwe bi çek dikin. Ciwan, jin kal û pîr hemû kes ji bo parastina rûmet û axa xwe çek radikin û kêleka şerwanên QSD diseknin.
Ciwan û Dayikên Kobanê ku pêşengtiya Şerê Gel a Şoreşgerî dikin diyar dikin ku wê heta roja dawî berxwedaniyê bikin û tu carî dew ji welatê xwe, axê xwe bernedin.
“Di serî de navê min Hisen Ehmed e. Ez ji gundê Qasimiyê me. Em wek hêzên ciwanên şoreşger em xwe ji bo şer amade dikin. Em li her derî re amade ne da ku çete nekevin erdên me û erdên me dagir nekin. Em bangawaziya ciwanên me yê Kurd dikin da ku bime re yek bin û em pişt hêzên xwe bin û em neheylin çete bikeve erdê me. Em xwedî wê hêzê ne ku Kobanê ji dijmin re bikin goristan. Em bi ruhê Şehîd Arîn Mirkan û bi rihê Şehîd Avesta şer bikin. Bijî Serok APO, Şehîd Namirin.”
“Navê min Cîhan Mistefa. Ez wek jineke Kobanê êrîşên heyî şermezar dikim. Tu mafê dewleta Tirk a dagirker ser me nîne. Ji ber çî êrîşên me dike? Êrîşê sîvîlan dike. Bi teyareyên xwe ya bê mirov rojane li ser me topan dibarîne. Ne dibê zarok, ne dibê jin. Dixwaze di gelê me de tirs ava bike û bi vî rengî dixwaze gelê Kobanê bide koçberkirin. Lê em wek jinên Kobanê em soza xwe dubare bikin ku emê vir heta roja dawî berxwedaniyê bikin. Em tu carî dew ji welatê xwe, axê xwe, zarokên xwe bernadin. Emê pişt şerwanên xwe bin. Çi ji me were xwestin emê bikin. Emê sîlah jî rabikin. Emê êrîşên dijmin bişkinin. Em tû carî natirsin. Em soz didin ji şerwanên xwe yên YPG û YPJ re em tu carî ji wan neqatin. Em yekin. Bijî Berxwedana Kobanê. Şehîd Namirin.”
“Navê min Ali ye. Ji gundê Qarokê me ya girêdayê Kobanê. Me îro sîlah rakir ji bo ku em pişt hevalên xwe û QSD biseknin. Hevalên me pêşde ne em jî vir diparêzin. Moralê me bilind e û çî jî bibe em pişta hevalên xwe ne. Em dixwazin Kurd hemû bibin yek û bi giştî hevalên me sîlah rabikin. Herî dawî bangawaziya min hemû kesan û taybet ji ciwanan re heye werin gel QSD biseknin. ”
“Navê min Adulê. Ez hatim tifek bigrim. Parastina gelê xwe bikim. Sîlahê xwe rakim. Pişt gelê xwe biseknim. Em pişt zarokên xwe bigrin. Em kêleka şerwanên xwe biseknin. Qasî noktayek xwinê me hebe emê şer bikine. Banga min ji bo hemû jinan re heye werin silahê rabikin. Pişt gencan bigrin. Em Kobanê bernadin ya me ye.”
“Navê min Feride Hisen e. Em ji bo Şerê Gel a Şoreşgerî amadekariyên xwe dikin. Em wekî meclîs banga giştî gelê xwe dikin, taybet hevalê me yên jin; em bi sîlahê xwe, hêza xwe bikaribin pişt hevalên xwe biseknin. Pişt QSD, YPG, YPJ biseknin. Niha di vî pêvajoyê de ya herî girîng tekoşîna Şer Gel a Şoreşgerî ye. EM niha sîlahan ji hevalên xwe ya jin û mêr re belav dikin. Her wiha pîr û kalan re jî belav dikin. Em ji bo giştî gelê xwe serkeftin dixwazin. Ez bang giştî Kurdên Bakûr, Başûr, Rojava dikim; em giştî yekin. Em şopdarê şehîdên xwe ne. Em li ser xwina şehîdên xwe niha vir dikarin jiyan bikin. Şehîd Namirin.”
