TEBQE – Kampekî siyasî ya Tevgera Ciwanên Şoreşger ê Sûriyê, li Reqa, li ser navê Şehîd Vejîn Jiyan hat vekirin. 15 endamên kurd û ereb yên Tevgera Ciwanên Şoreşger di asta Bakûr û Rojhilatê Sûrîyê tevlî vê kampê bûn. Di kampê de hem dersên siyasî ser esasê fikirê Rêber Apo û felsefeya Netewa Demokratîk tên dayîn, hem jiyanekî komînal, bi hevaltî tê pêşxistin. Derve ders û nîqaşên siyasî û îdeolojîk, jiyan bi werzîş, lîstok û stran derbas dibe.
Ajansa me bi ciwanên di kampê de axivî, û wan diyar kirin ku hedefe wan ew e ku fikirê û jiyana ku di kampê de fêr dibin, di nav civaka de jî belav bikin. Ciwanan gotin ku hem di milê jiyanî, hem di milê fikirî de xwe peşdixin û bangawazî jî kirin ji bo ku hemû ciwan û jinên ciwan tevlî perwerde û kampên siyasî bibin, felsefeya Rêber Apo belav bikin û ji bo azadîya wî ya fîzîkî tekoşîn bikin.
Axaftina ciwanan wisa bû:
“Navê min Nûşeng e, ez ji bajarê Kobanê hatim. Ez hatim beşdarî vê kampê bûm, kampê Şehîd Vejîn Jiyan. Bi rastî di vê kampê de em dersên siyasî dibînin di hewayekî pir xweş yê hevaltî de. Kombûna hevalan bi hev re, stran bi hev re dibêjin, em lîstokan bi hev re dilîzin, sibê radibin ji bo sporê… Bi rastî van tiştan pir xweş in di jiyana me de ne. Di vê kampê de, hem di milê fikirî de em pêşdikevin, û di alîyê jiyanê de, emê çawa jiyan bikin, lê belê, emê van tiştan tenê di hindurê xwe de nehêlin, ji ber emê civaka me yê derve, ciwanên me yên derve, emê bi wan re parve bikin heya ew jÎ beşdarî kampên û perwerdeyên wisa bibin, heya pêşketin di xwe de ava bikin, ji ber ku perwerde mirov di hemû milan de pêşdixe. Emê ê felsefeya Rêbertî di nav civakê de belav bikin. Derketina me ji vê perwerde encamekî pir xweş di nav civakê de belav bike.”
“Di destpê kê de navê min Hamûdê Efrîn e, ez ji Efrînê me û ez di nava karê Ciwanên Şoreşger de me. Em derbasî perwerde bûn, ev perwerde ser navê Şehîd Vejîn Jiyan e. Hedefa me ji vê perwerde ew e ku em werin xwe zana bikin, di aliyê îdolojîk de em xwe xurt bikin û em rastîya dijmin nas bikin, ew plan ku li ser me tên meşandin em nas bikin. Ev dewre bi şiyara “Cenga Azadiyê Serbixin” ye û ji bo vê em derbasî vê perwerde bûn. Hedefa me ji vê perwerde ye ku em xwe zana bikin û têxin di nava civakê de, em vê zanêbûnê tenê di nav xwe de nehêlin, em vê zanêbûnê bi ciwanan parve bikin. Bangawazîya me ye ku em bigihînin hemû ciwanan: têkevin di nav perwerde de. Perwerde bi rastî berî nav û avê ye, pêwîst her însan were xwe perwerde bike di milê îdeolojîk de, ev pir girîng e.”
“Armanca tevlibûna me ya kampê ew e ku em xwe ji qirêjiya sistemê rizgar bikin. Niha em li vir dersên îdeolojîk dibin, ev jî di me de guhertin avadike. Li vir em perwedeyeke dibînin ku ji jiyana sîstemê dûr e. Em rojane di kesayta xwe de guhertin çêdikin. Em dixwazin tiştên ku li vir em fêr dibin di ava civakê de belav bikin û em bangawazîya ji bo hemû ciwanan dikin ku di fikir u felsefeya Rêber Apo de xwe kûr bikin”
“Di dest pê kê de navê min Mihyar e, ez ji Şehbayê me. Em derbasî vê kampê bûn, bi navê Şehîd Vejîn Jiyan û şiyara “Cenga Azadîyê Serbixin”. Em derbasî vê perwerde bûn ji bo ku em di milê îdolojîya de xwe pêşbixin, xwe zana bikin, di fikir û felsefeya Rêber Apo em xwe pêşbixin û ne tenê vê zanebûna ku em ji perwerde bigirin di nav ciwanên xwe em belav bikin, di nav civakê de em belav bikin, û ciwanên xwe bi rêxistin bikin. Em jî bangawazî ji bo jinên ciwan û ciwan dikin ku derbasî kampê bibin, di fikir û felsefeya Rêber Apo xwe pêşbixin û xwe bi rêxistin bikin.”
“Ez jineke ciwanê kurd. Ez tevlî kampê Şehîd Vejîn Jiyan bûn ji bo ku fikirê serokatî nas bikim û di şaxsê xwe de pêk bînim, û ji bo ku jî em bigihêjin giştî ciwanan em dixwazin hemû werin kampan, tevlî perwerdeyên me bibin, ji bo fikirê xwe azad bikin. Bangawazîya ji giştî ciwanan re ku fîzîkî Rêber Apo azad bikin.”
