NAVENDA NUÇEYAN – Kongreya Civaka Demokratîk a Kurdistaniyên li Ewropayê (KCDK-E) daxuyaniyek nivîskî da û got: “Tecrîda li ser Rêber Apo, xwe dispêre sîstema tunekirina nasnameya Kurdên azad. Ji bo temamkirina qirkirina li hemberî gelê Kurd, êrîşeke topyekûn e. Ji ber ku Rêber Apo nûneriya azadî û hebûna gelê Kurd dike, her tim bûye hedefa destpêkê ya êrîşan. Ev tecrîda ku di şexsê Rêber Apo de tê pêkanîn, xwedî armancekê ye ku qirkirina Kurdan pêk bîne.”
‘ÎRADEYA KURDÊN AZAD DI HEDEFÊ DE YE’
Di daxuyaniyê de ev tişt jî hatin diyarkirin:
“Tecrîda ku bi destê hêzên navneteweyî didome, nûneriya êrîşa li hemberî azadî, demokrasî û çareseriya pirsgirêka Kurd dike. Rêber Apo ji aliyê hêzên navneteweyî bi taybetî DYE û Tirkiyeyê ve di bin tecrîdê de tê girtin. Di vê wateyê de yên ku dixwazin hebûna Kurdên azad tune bikin û yên ku piştgiriya herî mezin didin dewleta Tirk a qirker, hêzên sîstema modernîteya kapîtalîst û DYE ne. Di serî de DYE divê hemû hêzên navneteweyî dest ji piştgirî dayîna faşîzma AKP-MHP’ê berdin. Êrîşên li hemberî gelê Kurd, jin, ciwan û gelên din dewam dikin. Dagirker bi her cure rêbazên şerê qirêj û çekên kîmyewî erdnîgariya Rojhilata Navîn û Kurdistanê jî di nav de bi xwînê difetisîne. Weke endamê NATO û artêşa wê di bin navê hemû hêzên navneteweyî de sûcê şer dike.
‘TECRÎDA ÎMRALIYÊ XETERIYA QIRKIRINÊ YE’
Em dizanin ku tecrîda li ser Rêber Apo tê meşandin, ji bo ku pirsgirêka Kurd bi rêya demokratîk neyê çareserkirin, rêbazeke şer e. Tecrîd xeteriyekê digire nava xwe ku wê rê li ber qirkirina Kurdan veke. Ji bo ku ev yek were astenkirin, divê demildest Rêber Apo were berdan.
BANGA TEVLÎBÛNA MEŞÊ LI GEL HAT KIRIN
Di dawiya daxuyaniya KCDK-E’yê de ev bang hate kirin:
“Em bang li hemû gelê xwe, dostên xwe û mirovahiyê dikin ku li dora daxwaza gelê Kurd kom bibin û ji bo ku Rêber Apo demildest were berdan û di nava şert û mercên azad de têkoşîna azadî û demokrasiyê bide, divê bi sekna xwe ya bi biryar têkoşînê geş bikin. Divê her kes bi rengekî aktîf beşdarî meşên ku wê 2’ê Îlonê bi dirûşmeya ‘Rêbertiya Azad, Gelê Azad e’ li Strasboûrg û hemû Ewropa, Avûstralya û Kanadayê bên lidarxistin, bibin.
Navnîşana meşê Place de la république 67000 Strasbourg, saet 10:00.”
