NAVENDA NÛÇEYAN – Li bakûr û rojhilatê Sûriyê ji bo rewşên awarte tedbirên hatin girtin.
Rêveberiya Sivîl a Demokratîk a Tebqayê bi hevkariya şêniyan duh 5 kon li bajar vegirtine da ku şênî di rewşên erdhejê de bi kar bînin. Hejmara şêniyên ku xwe li van kon û navendan girtine zêde dibin. Ji ber serma û baranê, Rêveberiya Sivîl tedbîrên nû li van navend û konan de girtine. Rêveberiyê hejmara sobe û nivînan zêde kirin û ronahî danîn. Ji bo rewşên awarte, Komîteya Rêveberiya Herêmî û Şaredariyan a Tebqayê, Tîmên Rewşa Awarte û Agirkujiyê li derdora navend û konan in.
Komîteya Rêveberiya Herêmî û Şaredariyan wê sibe sibeha du otobûsan bişîne Helebê da ku xwendekarên zanîngehê yên li wir asê mane, bighînin bajarên wan.
Piştî ku Meclisa Kantona Efrînê û Şehbayê ragihand ku ew amade ne mexdûrên erdhejê pêşwazî bikin, nêzî hezar malbatên ji koçberên Efrînê yên li taxên Şêxmeqsûd û Eşrefiyeyê bi cih bûne û şêniyên bajarê Helebê, gihaştin gund û kampên kantona Şehbayê û gundên navçeya Şêrawayê.
Heyva Sor a Kurd bi hevkariya Şaredariya Gel a Til Temirê 2 konên din vedan ku di rewşên awarte de wek stargeh bi kar bînin. Her du kon li nêzî Çerxerêya Til Temirê hatine vedan. Konê yekê bi dirêjahiya 20 metre û firehiya 6 metreyan e, konê duyemîn jî 6 metreyan dirêj e û 3 metreyan jî fireh e. Heyva Sor a Kurd duh li nêzî çerxerêyê konek vedabû.
Rewşa li navçeya Cindrêsê a bajarê Efrînê ya ku ji aliyê dagirkeriya Tirk ve hatiye dagirkirin gelekê xerabê. Heya niha dewelta tirk a dagirker û hikûmeta Şamê ya demkî ku bajarê Efrînê dagir kiriye, rê li ber gihandina alîkariyan yan jî otomobîlan bo navçeya cindrêsê digrin, bi behaneya ku hemû otomobîl li bajarên başûrê Tirkiyê û bajarê Efrînê kar dikin.
Hemû aliyên opozîsyona Sûriyê bi hemû hêza xwe tenê alîkariya xelkê bajarê Idlibê, Îhtaimlat, El-Bab, Marea, Cerabulus û Ezazê dikin.
Çeteyên El-Emşat her wiha wêne û dîmen belav kirin ku ji bo alîkariya gel bi buldozer û ambalansan û hêzên xwe jinavçeya Şiyê ber bi navçeya cindrêsê ve dişînin. Lê hat diyar kirin ku hemû tiştên ku ji aliyê rûpelên çeteyan ve hatine belavkirin û weşandin ne rast in û ti maşînên giran û ambulans ji wan nehatine.
Parisitina Sivîl a Sûriyê îro tu alîkarî ji xelkê navçeya cindrêsê re neşandine û tenê alîkariya bajarên din ên Sûriyê dike. Ji ber redkirina dewleta Tirk ji vekirina deriyê Bab El-Hawa û gundê Hemamê yê li rojavayê navçeya Cindrêsê, niha tu rêxistineke mirovî (Erebî û navneteweyî) li navçeya Cindrêsê nîne.
Dewleta Tirk a dagirker ji bo berjewendiyên xwe yê erdhejê bi kar anî û hemû alîkariyên mirovî yên hemû welatên cîhanê desteser kirin.
Li taxa Cindirêsê zêdeyî 10 avahiyên niştecihbûnê hene, ji ber kêmbûna hêza mirovî û nebûna maşînên giran, li xirbeyan, tevî ku di bin xirbeyan de qêrîn hebûn, lêgerîn nehat kirin. Şêniyên navçeya Cindirêsê hîn jî dengê zarok û sivîlên ku hîn di bin xirbeyan de ne an jî di jêrzemînê de asê mane dibihîzin
Herwiha li navçeya Cindirêsê ji ber ziyanên erdhejê înterneta herêmî ya Tirkiyê naxebite û kompanyayên înternetê yên Tirkiyê xizmetguzariyên xwe li herêmê tamîr nekirine.
Komeleyên Ereb ên li navçeya Cindirêsê tenê alîkariya niştecihan dikin, di nav de Tîma Alîkariya Molham û gelek komeleyên taybet. Nerazîbûna hewayê jî di wê yekê de rolek dilîze ku xelk nekarin ji bin xirbeyan lêgerîna kesên sax û qurbaniyan temam bikin. Tevî karesata qels, ji aliyeke din ve jî malên sivîlan têne dizîn.
Kesên ku ji erdhejê rizgar bûne, bê stargeh û bê xwarin û vexwarin hîn li kolanan li bendê yê.
Hat raghihandin ku heya niha bi temamî di herêmên Sûriyê de hejmara qurbaniyan gihêşte 2430 kesan ku jiyana xwe ji dest danê û 4650 kesan ku birîndar bû ne.
Çavkanî: Navenda Nûçeyan Efrîn Lezgîn
