NAVENDA NÛÇEYAN –
Rêbertî tê çi wateyê ?
Pênasekirina Rêbertî ji bo gel û civakê di asta herî jor de destnîşan kirinahest û hizirane. Parastina berjewandiyê wan e, ji bo pêşdebirina gel û civakê çalakî û amûr pêşxistine. Heman demê de amadekirina kadroyan û pêşxistina wan, fêmkirina pirsgirêkan û çareserkirina wan. Mirov dikare bi kurtasî bêje ku Rêbertî tê wateya manadane her tiştî. Cardin mirov dikare bêje ku Rêbertî nirxên ku di nava sîstema civakî de komî serhevbûyî ye. Dîsa Rêbertî ewe ku dema di nava şert û mercên zor û zehmet de derbas dibe, ji bo xilaskirina gel û civaka xwe di kesayeta xwe de temsîla pêşerojê dike. Rêbertî di kesayeta xwe de dîrokek, tevgerek, civakek û gelekî azad pêkanî. Ev taybetmendiyên kesayetên Rêberin. Di roja îro de jî ji sedsala 21’yemîn re Rêber Apo, bi van taybetmendiyên xwe ji civak kurd û tevahî gelê bindest re pêşengtiyê dike. Rêber Apo ne tenê Rêberê gelê kurd, di serî de ji bo tevahî Rojhilata Navîn û gelê min bindest bû Rêberê ji nû ve avakirina hêviyan.
Rêber Apo çawa destpêkir ?
Rêber Apo bi tiştên ku bi çav dîtine destpêkir. Rêber Apo hîn dema ku 7 salî bû, ji ber hin zihniyet û ferasetên ku li kurdistanê serwerin dest bi nakokiyan dike û her dem bi van nakokiyan re jiyan dike. Nakokiya destpêkê ku Rêber Apo jiyan dike, nêzîkatiyên malbatê ye, yên ku malbat zarokên xwe li gor daxwazên sîstemê tebiye dike. Ferq di navbera hêza jin û zilam de her weke nakokiyekê bû. Di hemû malbatên kurd ji ber feodalîzmê her bav bûye serwer li ser jin û malbata xwe ve, lê di malbata Rêbertî de hêza Dayîka Uveyîş ji ya bavê Omer zêdetire, dayîka Uveyîş di malê de her şerdikir û serî li hember tu tiştî neditewand. Ev yek jî bandorekê ser Rêbertî dike û di zarokatiya xwe de ji bo çareseriya van nakokiyan her di nava lêgerînê de bû. Ji bo vê jî Rêber Apo hêza dayîka Uveyîş ji xwe re dike hêza çareseriyê û hêza bavê Omer jî ji xwe re dike xwediyê hêzbûnê. Rêber Apo destpêkê ji malbat destpêkir û piştre bi derdor, gund, mizgeft, cîran, kom, dibistan, nêçîr û xwezayê re dest bi hevaltiyê kir. Bi taybet nêzîkatiyê Rêber Apo ya li hember jin hîna di zarokatiya xwe de cuda bû. Rêber Apo cara yekem bi Heval Hesen û Heval Elîf re û hin zarokên din yên cîranan re dest bi rêhevaltiyê dike. Di dibistanê de jî ji ber zîrek bûna xwe di nava hemû xwandekaran de zû tê qebûl kirin, di dibistanê olî de Rêber Apo 33 eyatên quranê ezber kir. Di dema nêçîra çûkan de jî her rêhevalên nû ji xwe re çêdikir. Bi vê awayî bi her taybetmendiyeke xwe kesek derdora xwe komdikir.
Gotinên ku ji Rêber Apo re dihatin gotin
Mele Muslum Abdullah ji Rêber Apo re digot; “Ger tu wisa biçe tu yê bifire”
Bavê Omer digot; “Di eniya Abdullah de stêrk heye, sembola fetih kirinê ye”
Mamosteya Rêber Apo ya dibistana sereteyî Faruk digot; “Tu yê pêşengtî bike”
Mamosteya zimanê Tirkî jî Amed Demîrtaş Rêber Apo dibir gel xwe û ew taybet fêrdikir
Dayîkên gund jî ji zarokên xwe re digotin ger hûn dixwazin bixwînin, biçin gel Abdullah fêr bibin.
Dapîra Hewa jî digot; “Ev zarok wekî cîva ye, di cihekî de nasekine”.
**Rêber Apo hertim di pileya yekemîn de bû, bi jêhatbûna xwe hertim di xeta pêş ya pêşengtiyê de cihê xwe digirt. Rêber Apo bi ola xwe ve pir girêdayî bû, û rêz ji ol re nîşan dida, ji ber ku bavê Omer jî wisa bû Rêber Apo ew di aliyê drustbûn û manewiyetan de ji xwe re esas digirt. Bi demên re Rêber Apo fikirên çepgir û rastgir nasdike û ji bo hîn zêdetir naskirina wê her di nava lêkolînan de bû. Rêber Apo bi esasgirtina civaka xwazeyî, însanbûyîn-civakbûyîn, Dayîk-jin, sosyalîzma demoratîk, jineolojî, nirxên komînal-demoqrarîk, civakî exlaqî- polîtîk, rêxistinên çepgir, Marksîzm û Lenînîzmê dest bi gavên xwe yên şoreşgertiyê dike.
