NAVENDA NÛÇEYAN – Hejmara kesên ku li tevahiya cîhanê bi virûsa Korona ketine derket 597 hezar û 407, hejmara kesên jiyana xwe ji dest dane jî, gihîşt 27 hezar û 367’an. 133 hezar û 373 kesên bi korona ketibûn jî, baş bûne.
Hejmara qurbaniyên virûsa Korona ku li Çînê destpê kir û li tevahiya cîhanê belav bû, her ku diçe zêdetir dibe.
Heta niha li tevahiya cîhanê hejmara kesên bi virûsê ketine derketiye 597 hezar û 407’an, hejmara kesên jiyana xwe ji dest dane jî bûye 27 hezar û 367.
Li Îtalyayê ku windahiya mirovan herî zêde lê tê dîtin, heta niha 9 hezar û 134 kesan jiyana xwe ji dest daye. Piştî Îtalyayê welatê herî zêde mirovan jiyana xwe ji dest daye Îspanya ye. Li vî welatî jî hejmara kesên jiyana xwe ji dest dane bûye 5 hezar û 138.
Li çend welatên din hejmara kesên jiyana xwe ji dest dane wihane:
Çîn: 3 hezar û 295
Îran: 2 hezar û 378
Fransa: Hezar û 995
Amerîka: Hezar û 701
Birîntanya: 759
Hollanda: 546
Almanya: 351
Belçîka: 289
Hejmara kesên ku ji virûsê hatine xilaskirin jî derket 133 hezar û 373’yan.
Hejmara hezî zêde ya kesên bi koronayê ketine li Dewletên Yekbûyî yên Amerîkayê (DYA) di 24 saetên dawî de ji 85 hezar û 604’an derket 104 hezar û 205 kesan. Piştî DYA’yê hejmara herî zêde ya kesên bi korona ketine li Îtalya, Çîn û Îspanya tê dîtin. Li Îtalyayê 86 hezar û 497 kes, li Çînê 81 hezar û 394 kes, li Îspanyayê 65 hezar û 719 kes bi korona ketine.
