BRADOST/BÎNARÊ QENDÎL – Endamên Ciwanên Welatparez û Jinên Tekoşer li dijî êrîşên dagirker ên dewleta tirk destpêkê li Qendîlê piştre li Bradostê çalakiya xwe ya Mertalên Zindî dadestpê kirin. Çalakiya Mertalên Zindî ya li Bînarê Qendîl di roja 19’emîn û ya li Bradostê di roja 9’emîm de didome.
Çalakvanên Mertalên Zindî ji ajansa me re giringî û asta çalakiyê û armancên xwe anîn ser ziman.
Li Bradostê çalakvanê Mertalên Zindî Hêlin Sîpan ku ji roja destpêkê de cihê xwe nava çalakiyê de digre bal kişand ser îxaneta PDK’ê û bang li ciwanan kir ku di nava têkoşînê de cihê xwe bigrin. Hêlin Sîpan di axaftina xwe de wiha berdewma kir:
“Îro em di 9’emîn roja çalakiya Mertalên Zindî ya li Bradostê de ne. Ev çalakiyê wê heta êrîşên dagirkerî li ser axa me hebe bê domandin. Rojên dawî bi awayekî komunal û bi perwerdê û pirtûk xwendê derbas bûn. Niqaşên me jî çêbûn di wan rojên dawî. Gelek mêvan û welatî hatin serdana me, me bi wan re niqaş meşandin. Sûnd wergirtinek baş derket holê. Wek tê zanîn hikumeta herêmê, yanî PDK xizmeta noker û dagirkeran dike. Tu hizmetî ji bo welatê me nake. Hemû kes dizane k udi mejiyê PDK’ê de tene îxanet heye. Tişekî ku qezenca gele Kurd te de hebe nekiriye. Em vê helwesta PDK’ê bi tundî şermerzar dikin. Ji vir em bang li ciwan û gelê xwe dikin, werin li kêleka me li dijî îxanetê têkoşîn bikin. Du hêl hene, hêlek ya îxanetê û hêla din jî ya têkoşînê ye. Hêla xwe diyar bikin û li hemberî îxaneta PDK’ê bêdeng nemînin. Pêwîste hebû Ciwanên Başûrê Kurdistan û taybet herêma Bradost beşdarî vê çalakiyê bibin. Bi rihê berxwedana Şêladizê li dijî dagirkeriyê derkevin û tevlî çalakiya Mertalên Zindî bibin. Li dijî îxaneta PDK’ê Serî Hildin! Li dijî îxanetê em bibin yek hêz, yek deng û yek reng.”
Çalakvanekî din ku ji destpêka çalakiyê de cihê xwe nav de digre Navdar Başûr jî ev nirxandin kir:
“Em çalakiya xwe bi awayekî dewlemend û herî bi hêz didomînin. Rojane gelê herêmê tên serdana me û piştgirî didin çalakiyê. Em îxaneta PDK bi tundî şermezar dikin û em ê tucarî dagirkeriya dewleta tirk li ser axa xwe qebûl nekin. Divê kesên bi PDK’ê ve re dimeşin baldar bin û vê dagirkeriyê qebûl nekin. Pêwîste êdî ev xwefîroşî, sermayedarî û firotina axa Kurdistanê neyê qebûlkirin. Kesên di nava PDK’ê de pêwîste li dijî xwefîroşiyê derkevin û helwesta xwe li hemberî îxanetê nîşan bidin. Ger kesên di nava PDK’ê û ciwanên di nava PDK’ê vê îxaneta partiya xwe qebûl bikin ev tê wateya ku ew jî welatê xwe difîroşe û heman qirêjahî û reziltiyê jiyan dikin. Bila hemû kesên werin nava têkoşînê û beşdarî çalakiya Mertalên Zindî bibin.”
Li Bînarê Qendîlê Helo Kerkûk jî got ku pêwîstiya Gelê Başûrê Kurdistan bi hêzên gerîlla heye ne bi îxaneta PDK’ê û wiha axivî:
“Dewleta tirk a dagirker çav berdaye hemû herêmên Başûrê Kurdistan, ne tenê li Xakurkê, Bradost an jî Qendîl. Dagirkeriya tirk li Kerkûkê jî heye û dixwazin hemû Başûr dagir bike. Dixwaze nasname û çand Kurdan tune bike. Ji bo em piştgirî bidin parazvanên axa xwe me dest bi çalakiya Mertalên Zindî kir. Ciwan beşek pêşenge di welatekî de, pêwîste li dijî her cûrê êrîşan Serî Hilde. Ji bo parastina destkeftiyên li Başûrê Kurdistan pêwîste di serî de ciwan beşdarî Hêzên Xweparstinê bibin û axa xwe li hemberî dewleta faşîst û dagirker a tirk biparêze. Hikumeta herêmê hêzên gerîlla sûçdar dike û dibeje berpirsyare wan bombebaranan gerîllaye, lê em baş dizanin ku hikumeta herêmê axa Başûrê Kurdistan firotiye dagirkeran. Îro hêzên gerîlla axa Başûr diparêze, lê hikumeta herêmê dagirkeran bi zanebûn bicih dike. Pêwîstaiya gel bi hêzên gerîlla heye, bi hikumeta herême tune. Bepirsyarê hemû komkujiyên li Başûrê Kurdistan bi destê dagirkeran pêk tên hikumeta herêmê PDK’ye. Em disa vê helwesta îxanetkar bi tundî şermezar dikin û banga têkoşînê dikin.
