Yek ji namzetê ciwan ê HDP’êyê Stenbollê Ozan Ozgenler got li ser zemîna siyaseta xwedî rêgez a HDP’ê ew ji bo ciwanan çareseriyê datînin holê û got divê ciwan destekê bidin HDP’ê.
NAVENDA NÛÇEYAN – Ozan Ozgenler namzetê parlamenteriyê yê HDP’ê ye ku xwendekarê zanîngehê ye, 26 salî ye. Li pişta wî çenteyê wî mal bi mal, li polên zanîngehê, li kantînê xebatên hilbijartinê dike. Ozgenler li şûna ku ew ji hilbijêran re biaxive, mîkrofonê dide hilbijêran û li wan guhdar dike. Ozgenler dipirse,’’heke tu li namzetê wekîltiyê rast bihatayî te yê çi pirs bikira?’’ û beriv problemên ciwanan radixin ber çavan.
Ozgenler ji Meletî ye, Tirk û Sinî ye. Li Zanîngeha ODTU bi Mihendisiya Înşeatê dest bi xwendinê kir, niha jî li Zanîngeha Mîmar Sînan Sosyolojî dixwîne. Ozgenler xwe bi rengekê welatiyekî dide naskirin ku dixwaze xweşikiyeke harmonîk a bi dengê bi milyonan kedkar, jin, gelên çewisandî derxîne holê.
‘RÊYA DERKETINA JI KRÎZÊ HDP YE’
Ozgenler dibêje HDP ji Geziyê ta hilbijartina 7’ê Hezîranê heta bi serhildanên 1’ê Mijdarê xeta têkoşînê ye û tim ciwanan reng û dînamîka we dane van pêvajoyên têkoşînê. Ozgenler diya kir ku desthilatda AKP’ê di nav krîzê de ye, dixwaze fatorê li ciwanan bibire û tekane rêya derketina ji krîzê HDP ye, bername HDP’ê ye. Ozgenler got, ‘’HDP bi çarçoweyeke rasteqîn nêzî meseleyan dibe. Mirov dikare li danezana ciwanan binere; problem, çareserî û jêderên çareseriyê diyar in.’’
HDP WÊ PROBLEMÊN CIWANAN ÇARESER BIKE
Ozgenler beriya ku bikeve nav kitekitên bernameya HDP’ê de ya li ser ciwanan got HDP dixwaze ciwan di siyasetê de xurt bin, rêya ciwanan vedike; dixwaze li zanîngehan ciwan xwedî gotin, raye û biryarê bin; HDP dixwaze ji ciwanan re jiyana sosyal dîsa ava bike û bi rengên dî dixwaze wan tevlî jiyanê bike; li ser ciwanan qirkirina çandî heye, asîmîle dibin, têne pişaftin,zimanên wan tê tinekirin, HDP wê van probleman çareser bike.
‘CIWAN DIXWAZIN SIYASETMEDAR LI NAV WAN BIN’
Ozgenler dibêje ew ji hilbijêran pirs dike û dibêje, ‘’Heke hûn li rasta wekîlan werin we dixwest çi ji wan bipirsin?’ û di dewama vîdeoyê de ew dibêje ku ew namzet e. Ozgenler diyar dike ku ciwan dixwazin siyasetmedar li cem wan bin û li Tirkiyê, di rewşa berdest de kes ji siyasetmedaran bawer nake. Ozgenler li ser çavdêriyên xwe dibêje, pir nirx didinê ku siyasetmedar li cem wan bin, bi wan re têbikoşin, biçin ji heman kantînê bi wan re çayê vexwin, şaş dibin, bawer nakin ji ber ku ev rewş li siyaseta berdest a Tirkiyênaye.
‘DI RÊZA 22’YAN DE JÎ BIM EZ SOZ DIDIM KU PIR BIXEBITIM’
Ozgenler bi berdewamî diyar dike ku ne girîng e bê ka ew ê were hilbijartin yan na, neyê hilbijartin jî wê di qada siyasî de li çareseriyan bigerin û ji bo namzetekî wekîltiyê ku ji têkoşîna civakî hatiye, berpirsyariya vê daye ser milê xwe, bi rengekî ku heqê wê were dayin bicihanîna vî karî berpirsyariyeke mezin e û got, ‘Ji bo vê jî, ku di rêza 22’yan de jî bim soz didim ku pir bixebitim’’
‘HDP SIYASETA ÇARESERIYÊ DAYE BER XWE’
Li ser şêwaza xebatê ya HDP’e jî Ozgenler got HDP partiyeke rêgezan e, partiyên dî teşhîsan dikin lê tedawiyê nakin, lê HDP bi temamî bala xwe daye ser tedawiyê, çareseriyê û got, ‘’HDP li bara welatiyan ku li hev hatine sorkirin zimanekî ku wan digihîne hev pêk tîne û siyaseta çareseriyê datîn ber xwe. Em di hemû xebatên xwe de vê ji xwe re esas dibînin.’’
