NAVENDA NUÇEYAN – Pêngava, ku ji aliyê Platforma ji Rêber Apo re Azadî ji Pirsgirêka Kurd re Çareseri ve li 74 navendên cîhanê hatiye destpêkirin, li Bakûr û Rojhilatê Suriyeyê jî deng veda. Endamê Akademiya Zanistên Civakî ya Rêber Apo Cûd Hemûd ji ajansa me Nûce Ciwan re axivî.
Hemûd, bal kişand ser xebatên Akademiye û diyar kir ku divê her kes xwe di fikra Rêbertiyê de kûr bike û got, “Kûrkirina rastiya jiyanê di fikir û ramanên Rêber APO de pêkan e.” Hemud, da zanîn ku ew herî zêde li ser civaknasiyê disekinin û Rêber Apo girîngiyeke mezin dide jinê û got, “Zanistî jin û civakê ji hev vediqetîne. Lê belê Onder APO pirsgirêka jinê weke pirsgirêkeke bingehîn dinirxîne û dibêje: “Heta ku pirsgirêka jinan çareser nebe pirsgirêka civakê çareser nabe.” Ji ber ku pirsgirêka jinê pirsgirêkeke bingehîn e; divê em vê bi kûrahî lêkolîn bikin û ji pirsgirêkên gel re çareseriyê peyda bikin. Divê mirov bibîne ku civak jî di bin koletiya jinê de ye.”
“Navê min Cûdî Hemûd, di akadyemiya Rêber APO ya zanistê civakî de cihê xwe digrim. Em li ser fikre Rêbertî de ji bo kûrbûn bidin avakirin, xebatan dimeşînin. Em bi giştî li ser parêzname û dahûrandinên Rêbertî lêhûrbûn dikin. Fikr û ramanê Rêbertî deryayeke fireh di asoyên mirov de ava dike, divê bi vê re em bizanibin çawa di nava vê deryayê de melavantî bikin. Ji bo mirov bikare ji cewhera wê sûdê bigire, pewîste her kesayatek xwe di parêznameyên Rêbertî de kûr bike. Kûrbûna heqîqeta jiyanê, di fikr û ramanên Rêber APO re pêkan dibe.
Herî zêde em li ser sosyoloji disekinin. Pirtuka Rêbertî ya li ser ‘Sosyolojiya Azadî bi taybetî heye. Rêbertî li ser pirsgirekê civakê bi şêwazekî giştî sekiniye û bi taybetî li ser pirsgirêka Rojhilata Navîn û di nava van mijaran de, rewşa dewlet, dagirkerî û rewşa jin û ciwan gelek bi berfirehî dinirxîne. Bi taybetî jî pir girîngî dide jinê. Li ser vê yekê rexneyên xwe li Rojava dike ku zanistparêziya civakî ya Rojavayî mijara jinê paşguh dike.
Zanistparêzî, jin û civak ji hev qût dike. Lê belê Rêber APO mijara jinê weke mijarekê bingehîn digire dest û dibêje ku; “Heta pirsgirêka jin çareser nebe pirsgirêka civakê çereser nabe.”Ji ber pirsgirêka jin pirsgirêkekê bingehîn e; pewîste em xwe têde kûr bikin û ji bo mirov çereseriya ji pirsgirêkê re avabike, divê mirov bibîne ku bi riya kolekirina jinê civak jî hatiye kolekirin. Îro jin ji her milî ve rû bi rû yê zextan tê. Çi li male be an li cihe kar be bi giştî ji di pergala serdest de îro jin bê qîmet hatiye hiştin.
Ji ber wê jî ew pergala serdest jinê qetil dike, dikire û difroşe. Ji jinê re nêzikatiyên weke alava bazarê ye tê nîşandayîn. Jin jî mirov e û hebûnekî xwedî fikr, rih û aqil e. Lê tişta ku serdest dikin reşkirina rihê Jinê, xwezaya wê û xûliqkariya wê ye. Jin bi perê herî kêm tê firotin. ji bo vê yeke divê em weke jin xwe bi fikira Rêber APO de dorpêç bikin, ji ber ku ev fikr me fêrî azadiya heqiqî dike. Rêya azadiya heqiqî ew rêye ku îrade, fehmkirin, zanebûnê di me de ava dike û hêza wate dayîna me ji bo me û ji bo civaka em tê de jiyan dikin xûrt dike. Em li ser pêngava azadiya fîzikî ji bo Rêber APO û ji pirsgirêka Kurd re çareserî, ya ku di meha cotmehê de hat ragihandin, çalakiyan li dar dixin û em tevlî çalakiyê jin û ciwanan dibin.
Bi taybetî ji bo birêvebirina pêngava azadiya fizîkî ya Rêber APO de rola pêşengtiya Tevgera Jinên Ciwan heye. Pewîste tekoşîn were bilind kirin ji bo pêngav li her derê cîhane were belavkirin û ev bi peşengiya jinê bê meşandin. Rêber APO ji bo meşa jin gelek dinirxîne. Ji ber Rêbertî rê ji bo jinê vekir, pêwîste jin vê riyê bimeşe. Ji bo wê weke jin pêwîste xwedî li baweriya Rêbertî derkevin û divê em ji bo pekanîna vê baweriyê zîrek bin. Nabe em barê xwe jî li ser Rêbertî bihelin. Rêber APO erka azadiyê da jine. Ji ber wê em weke jin ji bo azadiya fizîkî ya Rêbertî her tim di nava hewildana de bin. Dive em pir baş fikrê Rêbertî fêhm bikin û di jiyana xwe de pêkbînin, bi vê re li her derê belav bikin.
Yê ku winda kiriye nikare bide jî, ji bo vê divê em xwe di fikire Rêbertî de kûr bikin. Ji bo rewşa Rêber APO di dereceya yekem de em berpirsyarin. Bangavaziya min ji bo her jinê ye ku serîhilde û hewl bide ji bo koletiyê xelas bibe ji bo azadiyê têbikoşe. Ji ber koletî li jine nayê, jina azad ew jine ku afrînere û jina xweşik e.”
