NAVENDA NÛÇEYAN – Yekîneya Tolhildanê ya Ş. Çiyager Hêvî encamên çalakiyên xwe yên di navbera 8-15’ê Îlonê de eşkere kir.
Yekîneya Tolhildanê ya Ş. Çiyager Hêvî derbarê çalakiyên xwe ev daxuyanî belav kir:
“Di 8’ê Îlonê de li Taxa Şehîtlîkê ya Amedê me bi bombeyan li Navenda Piştgiriya Ciwanan a dewleta Tirk xist. Ji ber çalakiyê xisareke maddî li saziya şerê taybet çêbû. Piştre polîsan dora vê saziyê girtin û kemîn danîn.
Vê saziya şerê taybet ji bo asîmîlekirina ciwanên Kurdistanê bi navê betlane û kûrsan dixebite û ciwanên Kurdan dike sîxur. Ev saziyên ku ciwanên Kurd dikin sîxur wê her dem di hedefa me de bin.
Di 12’ê Îlonê de saziya şerê taybet a bi navê Navenda Hevgirtina Jinan a li Şehîtlîka Amedê û wesayîta polîsan a li ber wê bûne hedefa hezên me. Hêzên me bi bombeyên destan hatine çêkirin, li vê saziyê dan. Di vê çalakiyê de hejmara polîsên mirî û birîndar nehate tespîtkirin.
Di 15’ê Îlonê endamên Yekîneya Me Ya Tolhildanê ya Ş. Çiyager Hêvî li qereqola Şehîtlîkê û Saziya Goşt û Masiyan a li Şehîtlîka Amedê dan. Piştî çalakiyê polîsan gule li hewa reşandine, rê girtine û êrîşî gelê li nêzî qada çalakiyê kirine.”
