GIRÊ SPÎ – Rêveberiya Yekîtiya Jinên Ciwan a Herêma Firatê Aryen Ahmed bû mêvana bernameya taybet a Radyoya Girê Spî. Li ser Rol û misyona Jinên Ciwan di Parastina Cewherî de çiye, erk û berprsiyariya ku dikeve ser milê Jinên Ciwan de çine? hêrs û bertekên Jinên Ciwan û gelek mijarên din di bernameyê de nirxandin û wiha dest bi axaftina xwe kir;
“Parastina cewherî tê çi wateyê pêwîste destpêkê mirov di cewher de nas bike, Parastina cewherî bi sîleh û çûyîna cebhekê tenê nîne. Parastina cewherî nasnameya xwe û cewherê xwe parastin beşekî berferehe. Wekî Yekîtiya Jinên Ciwan a Saheya Firatê xebatê Parestina Cewherî wisa digrin dest, ji bo wê jî di hemû beşan de xebatên ku em dikin, xebatên xwe yê rêxistinî, yê Perwerde, Çand, Spor, Aborî, Koperatîfan, Komînan, Meclisan, Doplomasî, Siyasî vana hemû bi awayekî xebatên Parestina Cewherîn e û di heman demê de xebatên me yê Askerî jî cîh digrin. Bê guman meselen dema ku mirov meyze bike, ê ku herî lawaz, ê ku herî ji xwe ne bawer, ê ku herî zeyif tên dîtin Jinên Ciwanên, kes bi hêza Jinên Ciwan ne bawere, yanî vane biçe di cebheyekî de şer bike, sîlahek rakin, ev hişmendiyek berê bû. Mirov eger ji dîrokê de bigre dest xwe nasbike, rastiya xwe nas bike, ê ku vê civak afirandiye, ê ku vê civak avakiriye jin bi xwe ye, ê ku niha insaniyetî, mirovatî avakiriye, ê ku niha di vê jiyanê de jiyan dike bi saya rêxistinkirina jina ye.
Bi dest pêkirina mirovahî re, ê ku vê civak rêvebiriye, jin bi xwe ye. Dema ku wisa desthiladarî pêş ket, sîstema dewletan pêş ket, şûnedetir hêdî hêdî ev çand hunda bû, hêdî hêdî ev nirxên ku bi destê jin hatiye avakirin bi hişmendiya zilam re hatine dizîn, hatin hundakirin, çandê me hat hundakirin, exlaqê me hatin hundakirin yanî hêdî hêdî hebûna me ber bi tunebûyinê ve diçe ji bo wê jî jin di her alî de ketiye nava xebatê parestinê de, taybet ji bo Rojava jî dema ku mirov binere, ev 7 sala Rojava di nava Şoreşê de ye, ev Şoreş di heman demê de bi Şoreşa Jinê tê pênasekirin ew jî bi saya jinên ku di nav de bi asta fedayî cih girtine jin xwe da îsbat kirin bi taybet jî bi saya Arîn Mîrkan barînan heya dawî şer kirin ji bo ku jiyaneke azad ji bo vî gelî biafrînin û bi wê sekna xwe fedayî ve jî dan diyar kirin ku jin heger xwe nas bike heger bixwaze wê demê dikare civkekê jî azad bike jiyanekê biafrîne ne tenê di asta Rojavayî Kurdistan de di asta cîhanê de jî bibe mînak.
Di nav cîhanê de gelek tevger û rêxistinên jin hene lê belê wekî tevgerê me yê jinên ciwan xwe xweser bi rêxistin dikin nîne û me ev yek jî lêkolîn kiriye û em gelek jî bi pê re rû bi rû jî man bi taybet di xebata me ya diblomasî de ev yek derket holê ku tevgerekî jinên ciwan ku xwe xwesr bi rêxistin nake ji bilî tevgera me. Ji ber vê yeke îro em wek tevgera jinên ciwan ji giştî cîhanê re jî bûne mînak ev jî dibe manewiyetekî mezin ji me re em him kêf xweşiyê wê jiyan dikin û him jî bi vî awayî xwe bi rêxistin kirin jî şewazekî xwe parastin jî dibînin ji hebûn û nasnameya xwe parastin bi rêxistin bûyînê ve dibe şêwazê rêxistinbûyîna me jî şêwazekî xwe parastinê ye ji bo xwe parastin jî xwe perwerde kirin û xwe zane kirin esase û di zanebûna rêxitinbûyîna xwe ve esase ji aliyê leşkeri siyasî ve xwe bi pêş bixin xwe nas bikin îradeya xwe xurt bikin. Çanda Kapîtalîzmê di nav giştî civakê de yê herî zêde ji xwe re tehlike dibîne Jinên Ciwanin ji ber ku jinên ciwan ê ku xwedî hêzin ji bo ku ev hêz dernekeve derve, ev hêz dernekeve pêş û xwe mezin neke herî zêde lîstok li ser jinên ciwan tên meşandin.
“ÇAWA KU CIWANÊN KURD BI XWÎNÊ Û KEDEK MEZIN VÊ ŞOREŞÊ AVAKIRIN, WÊ PARASTINA WÊ JÎ BIKE”
Em wekî Jinên Ciwan hewldidin di her qadê de, xebatên xwe yê Koperatîfa pêş bixin, armancê me ew e bi jiyanekî Kolektîf yanî hevpar, her kes din av de cihê xwe bigre û di heman demê de ji bo jinên ciwan bi şexsan ve neyê girêdan bo madiyetê, ew bi xwe aboriya xwe pêş bixe û armancê me yê xebata Koperatîfan ew jî şêwazeke Parastinê ye. Her wiha em di her Kolan, Komîn, Meclis û hwd de xwe bi rêxistin dikin, eger ku em sîtemeke komînal jiyan bikin di vir de Komîn ji me re pêwîste ji bo çereseriya van pirsgirêkan û avakirina Sîstemeke Komînal. Êrîşên ku li ser Rojava hene, dewleta Tirk a dagirker dixwaze bikeve axa me, welatê me, tabî ev tişt ne hêsane ev 7 sala bi berxwedaniyeke pir mezin, bi hezaran Şehîdan me welatê xwe rizgar kiriye, me gund bi gund, tax bi tax, bajar bi bajar, bi keda hevalên şehîd ev der hatiye rizgarkirin ji bo vê jî niha ev dewleta Faşîs a dagirker dixwaze ev destkeftiyên me hemû tune bike, wekî jinên ciwan pêwîste em li hember vê nêzîkatiyê bi sekinin. Xebatê Parastina Cewherî ne tenê karê ekseriya yan jî asayişe hwd… ê ku di vê civakê de jiyan dike erke her kesiye Welatê xwe parastin.
Aryen di dawiya axaftina xwe de bangewazî tevahî jinên ciwan kir ji bo ku werin cihê xwe di vê pêvajoyê de bigirin û wiha domand; “ Pêwîste her kes cihê xwe di vê pêvajoyê de bigre, bi awayekî cihê xwe bigre yanî wekî ruhekî seferbertî, wekî ruhekî awarte her kes pêwîste bikeve nava lêgerînekê de, her kes pêwîste li hember vê dagirkeriyê Serî Hilde, berxwedaniyek avabike, Serhildanek bide diyar kirin, ji bo ku her kes bizanibe Jinên Ciwan ên Rojava li hember van dagirkeriyan bê deng namînin, denge xwe bilind dikin û tu carî bê deng nabin li ser vî esasî jî seknê xwe bidin diyar kirin, ji bo wê jî bi her awayî Pêwîste xwe birêxistin bikin, xwe perwerde bikin, pêwiste her tim amade bin ji bo vê rewşa awarte. Ev destkeftiyên ku ji bo şoreşa Rojava hatin bi dest xistin pêwîste ji bo wan dest keftiyan em her tim di nava liv û tevgerê de bin.
NC / NUDA ELEFTİRYA
