BEHDÎNAN – Bi dehan Ciwanên Kurdistanî li Herêmên Parastina Medya bi daxuyaniyekê ragihand ku ew beşdarî refên gerîla dibin.
Komalên Ciwan û Komalên Jinên Ciwanên di meha Hezîranê li dijî êrîşên dagirker ên dewleta tirk banga seferbertiyê kiribû, piştî vê bangawziyê gelek ciwan berê dan çiyayê azad û tevlî refên gerîla bûn.
Ciwanên ku tevlî gerîla bûn di 15’ê Tebaxê li Herêmên Parastina Medya torenek lidar xistin û daxuyanî dan raya giştî. Di torenê de wêneyên Rêberê Gelan Abdullah Ocalan, alên PKK, KCK û Komalên Ciwan hatin hilgirtin û daxuyanî hate xwendin. Di daxuyaniyê de hate gotin ku Ciwanên Kurdistanê li dijî êrîşên dagirker ên dewleta tirk a faşîst û bi ruhê pêngava 15’ê Tebaxê tevlî refên Gerîlayên Azadiya Kurdistan dibin. Her wiha Ciwanên Kurdistanê bang li hemû ciwanan kir ku di nava têkoşînê de cihê xwe bigrin.
Daxuyaniya ji bo raya giştî ku Sara Tolhildan xwend wiha ye:
“Ji bo hemû hezkiriyên Azadiyê û Ciwanên Berxwedêr
Em wek Ciwanên Kurdistanê pêngava 15’ê Tebaxê li tevahî gelên Rojhilata Navîn pîroz dikin û fermandarê mezin şehîd Egîd bibîr tînin. Heta li ser erdnîgariya Kurdistanê êrîşên faşîzane berdewam bikin, em wek Ciwanên kurdistanê em ê li dijî van êrîşan bi awayekî herî radîkal bisekînin. Her çiqas êrîşên dagirker ên Rejîma faşîst a dewleta tirk destkeftiyên Kurdan bixwaze desteser bike, ew qasî jî dixwaze îttîfaka Kurd-Ereb-Asûrî-Turkmen ku li herêmê şîn dibe belav bike. Îttîfaka Gelan a jiyana azad ku li Bakur Rojhilatê Sûriyê hatiye avakirin, ji bo herêmê buye mînak. Û ev îttîfak her roj hin zêdetir xurttir dibe. Ji ber ku rejîma faşîst a dewleta tirk dît ku ev îttîfak xurt dibe, û ev jiyana hevpar a gelan nikarîbû tehmûl bike, dest bi êrîşên dagirkeriyê kir. Destpêkê em wek Ciwanên bakur, başûr, rojava û maxmur didin xuyakirin ku em ê li dijî wan êrîşên dagirker ên rejîma dewleta tirk di nava Tevgera Azadiyê de bi ruhê 15ê tebaxê û berxwedana xakurkê heta dawî têbikoşin û şer bikin. Ji ber ku em dizanin ê ku dikare hêza li hemberî van êrîşên dagirker bisekinin Ciwan in. Wek Ciwanan jî ev îrade û hêza me heye!
Rêjîma faşîst a dewleta tirk ji Bakur Rojhilatê Sûriyê heta Rojava, ji Şengal heta Mexmûr û Xakurkê bênavber êrîşên xwe ê dagirker didomine. Bila hemû kes baş bizane ku ev êrîşana bê bersiv namîne. Dewleta tirk êrîşî kû bike, bixwaze ku derê dagir bike em ê li wir amade bin. Em ê rê nedin dijmin. Çawa me êrîşên beriya niha şikandin, em ê bi heman awayî van êrîşan jî bişkînin. Ji ber ku em xwe yekser ji jiyana azad a gelên xwe berpirsyar dibînin. Bila gelê me bizane, ji bo em vê berpirsyartiya xwe bicîh binin, çi berdêl tê xwestin em ê wê bidin.
Em wek Ciwanên Kurdistanê tevlîbuyîna xwe ya refên gerîla di roja vejîna kurdan 15’ê Tebaxê de radigihînin. Em dîsa ji wir de bertekên xwe li dijî hêzên dagirker tinin ziman, û didin xuyakirin ku em ji bo Şer amade ne. Bi heman awayî em bang li hemû ciwanan dikin ku cihê xwe di nava vê berxwedana dîrokî de bigrin. Di nava vê berxwedana dîrokî de cih girtin rumet, namûs û şeref e. Her ciwanê ku dixwaze ji rumeta xwe, namûsa xwe û şerefa xwe xwedî derkeve pêwîste Şer bike. Hilweşîna dijmin ruxandina faşizmê û têk birina dagirkeriyê nêz e.em soza şopandina têkoşîna di şexsê şehîdên nemir Atakan Mahîr, heval Helmet, Mam Zekî Şengalî, Jîndar Ezgî, Medya Mawa, Armanç Goşkar, Baran Mawa, Delal Amed û tevahî şehîdên kurdistanê bibîr tînin”
Daxuyaniya Ciwanên Kurdistanê bi avêtina sloganên wek “Bijî Serok Apo”, “Bijî 15’ê Tebaxê!” û “Bijî Berxwedana Xakurkê!” bidawî bû.
Şirovê 1