YCÊ û YJCÊ daxuyaniyekî da raya giştî û bang li Ciwanên Êzidxanê û hemû ciwanan kir ku her qad û kolanê, di çarçoveya hemleya Serî Hilde de bikin cihê berxwedanê. YCÊ û YJCÊ diyar kir ku bi têkoşina ciwanan wê ‘tecrîd bê şikandin, faşizm bê hilweşandin û Kurdistanê bê azad kirin’.
ŞENGAL – Yekîtiya Ciwanên Êzidî û Yekîtiya Jinên Ciwan ên Êzidî daxuyaniyek hevpar da raya giştî û diyar kir ku bi têkoşina ciwanan wê ‘tecrîd bê şikandin, faşizm bê hilweşandin û Kurdistanê bê azad kirin’. YCÊ û YJCÊ bang li Ciwanên Êzidxanê û hemû ciwanan kir ku her qad û kolanê, di çarçoveya hemleya Serî Hilde de bikin cihê berxwedanê.
Yekîtiya Ciwanên Êzidî û Yekîtiya Jinên Ciwan ên Êzidî bal kişand ser berxwedaniyên grevên birçîbûnê û wiha got:
“Wekî tê zanîn di pêvajoya ku em niha jiyan dikin de xeta berxwedanwanên zindanan daye pêşiya me xeta serkeftinê ye. Di dîrokê de tu pêşketin an jî merheleyek tuneye ku bêbedel çênebûne. Tecrîda li ser Serok Apo ya ji sala 2015’an heta roja me ya îro berdewam dike de, dijminê me yê dagirker dixwaze destkeftiya gelê me ji holê rake. Ruxmê hemû plan û êrîşê wan a li ser Serok Apo xistin meriyetê jî, ew plan û êrîşê wan ji aliyê Serok APO ve bi berxwedaniyekî dîrokî vala hate derxistin. Xewn û xeyala dagirkeran dema ku pêk nehat, tecrîdê li ser Serok APO girantir kirin û bi wê re êrîşê li ser gelê me dijwartir kirin. Asta êrîşa xwe li ser Bakûrê Kurdistanê heta Şengalê, Bakur û Rojhilata Sûrî heta Başurê Kurdistanê bi şeklêkî bêsînor û hovane li ser gelê me pêk tîne. Hin cihan de dema derfet dibîne bi şeklekî eşkere bi navê xwe êrîşan pêk tîne, dema ew derfetê wî çênabe jî bi şeklekî cuda ew êrîşên xwe pêk tîne. Ruxmî hemû êrîşê wan tu xwesteka wan pêk nehat û her çû rewşa wî ber bi binketinekî dirokî ve diçe. Êdî asta binketina dewleta faşîst a tirk gihiştiye asta di hundirê xwe de jî derûniyekî bêbawerî jiyan dike. Ji bo xwe ji wê deruniye xelas bike, armanc dike ku bi êrîşekî pir xurt ji xwe re dêriyekî bêhnê vekê. Lê belê sekn û têkoşîna gelê me li tu cihî derfata serkeftinê nade dagirkeran. Ew têkoşîn û sekn çavkaniya xwe di serî de ji Serok APO û şehîdan digre.”
SERKEFTIN BI TÊKOŞÎNEK XWEDÎ SEKN PÊK TÊ
Yek ji qada têkoşinekî pir dijwar jî qada zindanê ye. Berxwedana zindanan di pêşengtiya Leyla Guven de bi çalakiya greva birçîbûnê re derbasî merheleyake nû bû, çar meh li pey xwe hişt û her diçe bi xurtir berdewam dike û bilav dibe. Çawa piştî 12’ê Îlonê di serî de li zindana Amedê xwestin di şexsê pêşengê PKK’ê de serî bi hemû civakê bidin tewandin û lê ew planê wan bi pêşengtiya kadroyên PKK’ê bi berxwedanekî dirokî hate pûç kirin û bû hêviya azadiyê û ew têkoşîn ji bo destkeftiyên roja me ya îro bû bingehekî pir mezin yê şoreşê. Pêşengê mezin û Kawa yê hemdem Mazlum DOXAN bi gotina xweyî dirokî; “pasîfîzm binketinê, teslîmbûyîn xiyanetê, berxwedan jî serkeftinê bi xwe re tîne” re, pênase û perspektîfa azadiyê da me hemûyan. Roja me ya îro de berxwedanwanên zindana ku bi navê Zulkuf Gezen, Ayten Beçet, Ugur Şakar, Zehra Saglam û Medya Çinar bi çalakiya xweyî canbexşene û bi çalakiya xweyî pîroz ji re mera talîmata da û xeta serkeftinê bi awayekî eşkere nîşan dan. Têkoşîna qada zindana de tên meşandin diyar dike ku xeta serkeftinê bi têkoşînekî xwedî sekn û helwest re derbas dibe. Ciwanên Êzidxanê pêwîste bi vê seknê xwedî li şehîdên zindanan derkevin û têkoşîna wan bigihînin serkeftinê.
BERXWEDANÊN ZINDAN HÊZA KU ME JI FERMANAN RIZGAR KIR DERXIST HOLÊ
Em jî wek ciwanên Êzidî ruxmê 73 fermanan, me serê xwe ji dagirkeran re ne tewand û hebûna xwe parast. Îro jî gele me bi vê xeteriyê re rû bir rû ne. Ji bo xeteriya li ser civaka me ji holê rabe pêwîste asta têkoşîna xwe hîn bilindtir bikin û li ku dibe bila bibe, pêwîste her ciwanê Êzidî vê rastiyê tucarî jibîr nekin. Heger berxwedana zindana Amedê nebûna hêzekî ku me ji fermana 73’yan xelas bike jî çênedibû. Ew hêz xwe gihand xwişk û birayên me yên ku dibin esareta DAIŞ’ê de bû, wan bi têkoşînekî pir bi heybet rizgar kirin û dîsa vegerandin ser axa pîroz a Êzidxanê. Em jî pêwîste bi wê zanebûnê her qad û kolana ku em lê hene, di çarçoveya hemleya Serî Hilde de bikin cihê berxwedanê û li hemberî dagirkerî xwe bikin pêşengê civakê, dakevin qadan û dagirkerî bin bixin.
Tenê bi têkoşinekî mezin em dikarin “Tecridê bişkînin , faşizmê hilweşînin û Kurdistanê azad bikin.”
