Tê zanîn çeteyên Tirk ên dagirker binketina xwe ya yekem li Kobanê jiyabûn. Li ser vê esasê lehengên berxwedana Kobanê hestên xwe derheqê têkçûna Daiş’ê ji ajansa Nûçe Ciwan re anîn ziman.
KOBANÊ – Li dijî çeteyên Daiş’ê pêngava dawî li Dêrezorê ber bi dawîbûnê ve diçe. Tê zanîn çeteyên Tirk ên dagirker binketina xwe ya yekem li Kobanê jiyabûn. Li ser vê esasê lehengên berxwedana Kobanê hestên xwe derheqê têkçûna Daiş’ê ji ajansa Nûçe Ciwan re anîn ziman.
Her çiqas di vê têkoşînê delebatekî xwe wenda kiribin jî lehengên Kurdistanê di nav têkoşînê de xebatên xwe berdewam dikin û bi giştî têkçûna Daiş ji Kurdistanê moral û kelecanek mezin dide wan. Ji ber ku ew dizanin têkoşîna wan, bedele wan serketiye.
‘DAIŞ DI MILÊ MORAL DE LI KOBANÊ BI BINKET’
Ji Şervanan Erdal Girê Spî têkçûna Daiş bi Berxwedana Kobanê re gire dide û dibêje me axa xwe berneda, ji ber vê jî Daiş di milê morale de li Kobanê binket. Erdal wiha berdewam dike “Pêngava Bagera Cizîrê ber bi dawîbûnê ve diçe. Îxtîmale di Newrozê de were ragihandin ku Daîş xilas bûye. Wê bibe dawiya terorê. Dawîanîna Daîş’ê wê aramiyek ji bo herêmê bîne. Ne tenê li Suriye bi giştî di Rojhilata Navîn de wê aramiyek ava bike. Di vir de mirov pêwîste bal bikşîne li ser Berxwedana Kobanê. Berxwedana Kobanê bû sedema tunekirina Daîş’ê. Di 2014’an de dema şerê giran li ser Kobanê çêbû, ev şerê ku 4 meh ajo de me biberxwedanî şer kir. Li Şengal’ê peşmergeyên Barzanî 24 saat ber xwe nedan û ax berdan û çûn. Me vê ya nekir, me ber xwe da, bi germahiyek xurt, bi rih û xwîna şehîdan me ber xwe da û me Daiş ji Kobanê qewitand. Ev yek jî psikolojiya Daiş xira kir, xemsariyek di wan de çêkir.
Li ber hêzekî wiha nekarîn ber xwe bidin û Kobanê bû destpêkirina tunekirina Daîşê. Bi vê îradeyê bi pêngava Şehîd Rûbar de Girê Spî hate rizgarkirin, dîsa Minbîc, Raqqa hate rizgarkirin. Îro jî pêngava Bagera Cîzîrê ber bi dawîbûnê ve diçe. Bi vê şerê de YPG û YPJ hêza Kurd nîşanê cihanê da, bi şerê xwe Kurdistan dan nasîn. Ev berxwedan wê bidome wek dawî ez bang hemû ciwanên Kurd, ciwanên xwedî vîjdan dikim ku werin beşdarî vê şerê azadiyê, şerê rastiyê bibin.”
‘HÊZEKÎ KU KES PÊ NEDIKARIYA LI KOBANÊ TÊK ÇÛ’
Ji şervanan Zinan Miştenûr jî wiha dibêje: “Pêngava dawî ya Deyrezorê dawiya çeteyan û dewleta Tirk anî. Hevkariya çeteyan û dewleta Tirk li Deyrezorê binket. Di berxwdaniya Kobanê de Daiş wek hovane êrîşê Kobanê kir. Wek hêzên YPG-YPJ’ê li hemberî wan sekinin. Tê naskirin Daiş di dewletan de hêza herî bi quwet bû, xwest ku hêza Kurd têk bibe û ji bo vê jî êrîşê Kobanê kir. Di wê berxwdanê de morale wan, baweriya wan şikest. Hêza wan ê herî xurt di Kobanê de têk çû. Armanca ku bi destxistina Kobanê, hikumkirina tevahî Suriye pêk nehat. Dewleta Tirk çiqasî piştgirî da wî jî serneket. Hêzekî ku kes pê nedikariya li Kobanê têk çû. YPG/YPJ bi vê berxwedanê xwe deng li cihanê veda. Rolek wisa leyîst. Ji ber ku felsefeyek, îdeolojiyek hebû bandorek mezin li derdorê xwe kir. Ev bû sedem li ser gel jî bandor bike û her çû YPG- YPJ mezin bibe. Bi vê wesileyê bangawaziyê me hemû ciwanan heye ku li ku derê dibin bila bibin beşdarî têkoşîna azadiyê bibin û li dijî çeteyan şer bikin.”
‘ÇETE HERÎ ZÊDE JI DENGÊ JINÊ DITIRSIYAN’
Jinê Ciwan bi navê Axîn Agîrî jî wiha behsa berxwedana Kobanê dike û bal dikşîne rola Jinê ya şikandina çeteyan de “Di dema berxwedaniya Kobanê de çete herî zêde ji dengê jinê ditirsiyan. Dema dengê me dibîhistin xwe paş ve vedikişandin. Rastî jî Jin di Berxwedaniya Kobanê de bû îradeyek mezin. Hêjî bêhtir me îradeya xwe xurt kir. Hevalên me şehîd diketin, birîndar dibû, me wana derbas dikir, tedawî dikir lê tu carî me morale xwe nedixist, hêjî bêhtir me hêz digirt û şer dikir. Rastî jî berxwedana Kobanê rolek mezin di têkçûna Daiş’ê de leyîst. Pêwîste em wek jin hêjî bêhtir xwe hêztir bikin, îradeya xwe xurt bikin şer bikin.”
