Ji bo 8’ê Adarê roja navneteweyî ya jinên kedkar ên cîhanê Koordînasyona Komalên Jinên Ciwan daxuyaniyek niviskî da. Komalên Jinên Ciwan banga berxwedanê mezintir kir û wiha got: “Roj ji her wextên din zêdetir pêwîstiya xwe bi berxwedan û serhildanan derxistina holê heye. Roj ji her wextên din zêdetir pêwîstiya xwe bi bertekan hemberî her curên şîdetê, hovitî û komkujiyên li dijî jinê heye.”
NAVENDA NÛÇEYAN – Bi wesileya 8’ê Adarê roja navneteweyî ya jinên kedkar ên cîhanê Koordînasyona Komalên Jinên Ciwan daxuyaniyek niviskî da û wiha got “Dîsa em ketin pêvajoyek 8’ê Adarê. Her çiqasî kedxwarî hebe jî, berxwedan jî hertim hebû, sembola mirasa berxwedana jinê em pêşwazî dikin, xwedî derdikevin, ev ji bo me jinan gavek ku nayê manîkirin e”.
Daxuyaniya Koordînasyona Komalên Jinên Ciwan wiha ye:
“Her demek di xwesertiya xwe de ji pêvajoya têkoşînê re şahidî dike. Dewletên faşîst, kedxwar û desthilatdar hertim bi zext, îskence û dagirkerî xwestiye gelan bifetisîne. Gelan jî hertim bi berxwedanê dîrokî bersiv daye. Ancax di wan berxwedanên dirokî noxteyek balkeş heye, ew jî pêşengtikirina jinê ye.
Dîsa em di pêvajoyek dirokî, heta ku wê rê bide ber dirokê re derbas dibin. Rêberê Gelan Abdullah Ocalan ku li hemberî kedwariya moderniteya kapîtalîst jiyan alternatîf pêşberî me kiriye bi tecrîdek girankirî ku roj bi roj guman dide avakirin re rû bi rû maye. Dewleta faşîst û çete ya tirk li hemberî têkoşîna azadiyê hewldanên xwe yên bêkêr pêk tine û bi awayekî şîdetwarî û qetliamgerî êrîşî gelan dike. Bi vê re girêdayî dixwaze îradeye me bişkine û bi tecrîda girankirî hemû lêhurbuna xwe biriye li ser Rêber APO.
Lê bes cardin hatin xuyakirin ku berxwedana bi pêşengtiya jinê derketiye holê, pêl bi pêl li tevahî cihanê belav bûye. Di pêşengiya Leyla Guven grevên biçîbûnê di serî de li zindanan, li Strasbourgê û piştre li gelek qadên din pêş ket û berxwedan mezintir bû. Bi milyonan mîrov li îradeya xwe xwedî derketin û bi yek dengî daketin qad û kolanan. Dîsa derket holê ku sekna jinek bi biryar cawa dikare li tevahî cihanê belav bibe û dengvedanek çêbike. Sekna jinê ya bi biryar dikare li hemû qadan bandorbunek ava bike û hemberî kedxwarî dikare hêzek girsegir derxe holê.
Dîsa em ketin pêvajoyek 8’ê Adarê. Her çiqasî kedxwarî hebe jî, berxwedan jî hertim hebû, sembola mirasa berxwedana jinê em pêşwazî dikin, xwedî derdikevin, ev ji bo me jinan gavek ku nayê manîkirin e. Bi taybetî di rewşek wusa ku faşîzm gihiştiye ezmana, ala pêşengtî ku Leyla Guven bi çalakiya greva biçîbûnê dewr girtiye pêwîste jin hin zêdtir bilind bikin.
Roj ji her wextên din zêdetir pêwîstiya xwe bi berxwedan û serhildanan derxistina holê heye. Roj ji her wextên din zêdetir pêwîstiya xwe bi bertekan hemberî her curên şîdetê, hovitî û komkujiyên li dijî jinê heye. Roj roja hemberî şîdetên dewleta zilam, buyîna xwedî têkoşîn û berxwedan e. Pêvajo di her warî de bi pêşengiya jinê, ji berxwedanan re buye şahid, bi berxwedanên 8’ê Adarê ev ê bigiheje zîrwe. Ji ber vê, di serî de jinên ciwan û tevahî jin pêwiste li qadên xwe 8’ê Adara îsal bi rihê serhildanê pêşwazî bikin. Li qad û kolanan çalakiyan pêwîste serhildanên heri bi hêz derkevin holê. Em jî wek rêxistina Komalên Jinên Ciwan roja 8’ê Adarê li tevahî jinên kedkar û jinên cihanê pîroz dikin. Ji bo em bi keda jinê cihanek hin xweştir ava bikin, em banga serhildanên hevpar dikin yên ku em bi serkeftinê misoger bikin. Ancax berxwedanên ku bi îradeya jinê derketiye holê Serhildanên li dijî rejimên faşîst bigihînin serkeftinê.”
Koordînasyona Komalên Jinên Ciwan daxuyaniya xwe bi sloganên ‘Bijî Berxwedana Jinan’ û ‘Bijî rihê berxwedana 8’ê Adarê’ bi dawî kir.
