Rêber APO bi hêze. Lê gelek caran em destê Rêbertiya xwe lewazdikin. Em hewlnadin ku Rêber APO hemleyên pir bi bandor bike da ku neyar carek din nikaribin bi ser xwe de bên. Ev hêz bi Rêbertiya me, bi tevgera me û bi gelê me re heye.
NAVENDA NÛÇEYAN- Rêber APO di sala 21’an de jî di nava pergala dagirker ya Tirkiyê de dîlgirtiye. Wê bi têkoşîn û berxwedana gelê Kurd û tevgera azadiya gelê Kurd heyfa bi salan zext û zordariyê ji faşîstan bê girtin û Rêbertiyek azad, welatek azad di nava rûpelên dîrokê de cihê xwe bigire.
Berî salan Rêber APO bi destê faşîzma navdewletî wan ve hate dorpêçkirin û dîlgirtin. Kete sala 21’an ku Rêberê Gelan Abdullah Ocalan hîna jî di nava vê dorpêçanê de ye. Van hêzên navdewletî hîna jî ji vê hevkariya xwe gavek paşde neavêtiye. Kurtêlxurên wan hîna jî li ber deriyên wan digerin da ku nanoziko xwe têrbikin. Ji bo vê jî çi kirêtî namîne dikin. Heya netewa xwe bile difiroşin. Hîna ev yekîtiya navnetewî bi hemû hêza xwe ve berdewam dike. Ji ber ku Rêber APO hîna bi hemû hêza xwe ve li dijî dagirker, emperyalîst, faşîst û hevkarên wan ên xwecihî têkoşînê dimeşîne. Bi hemû hêza xwe ve li ser piyane. Di roja yekê ya derktinê de li ser kîjan fikr û ramanî be, li ser kîjan bîr û baweriyê be, hîna jî li ser wan e.
Rêber APO bi hêze. Lê gelek caran em destê Rêbertiya xwe lewazdikin. Em hewlnadin ku Rêber APO hemleyên pir bi bandor bike da ku neyar carek din nikaribin bi ser xwe de bên. Ev hêz bi Rêbertiya me, bi tevgera me û bi gelê me re heye. Tenê mesele ew e ku em bizanibin di dem û cih de destê Rêber APO bihêzbikin. Yanî em destê şoreşê xurtbikin. Ji ber ku ya niha dost û dijmin herkesî neçarî qebûlkir ku Rêber APO tê wateya şoreşê, şoreş jî tê wateya Rêber APO. Yên ku heya duh jî em wekî terorîst didîtin. Ev encama berxwedana bêhempa ye helbet. Lê ji bo şoreşê têrê nake.
Fikr û felsefe ya şoreşê bi têra xwe ji hêla Rêber APO ve hatiya ava kirin. Yanî di hêla stratejiyê de tu pirsgirêkeke me nîn e. Me ev di şoreşa 19’ê Tîrmehê de aşkera li ber çavan dît. Niha di perçeyên din yên Kurdistanê de pêwîstî bi şoreşê heye. Nebe nabe. Wê demê divê em careke din li ser rawestin da çima me hîna zafer bi dest nexistiye. Bi taybetî li Bakûrê Kurdistanê. Cihê ku herî zêde ji bo pêkanîna şoreşê destwerdide Bakûr e. Lê belê Bakûr hîna di wê hewayê de nîne. Rêber APO hemû gavên xwe ji bo şoreşê davêje. Lê ev beramberiya xwe li Bakûr tam nabîne. Helbet di vê de kêmasiya têkoşînkirina me heye.
Bi taybetî Tevgera Ciwanên Welatparêz û Şoreşger di vê hêlê de xwedî pareke girîngin. Wê şoreş li ser milê Ciwanên Kurdistanê bimeşe lê niha em ne di wê astêdene ku barê şoreşê bigirin ser milên xwe. Çima vana dibêjim? Ez niha dipirsim, kîjan Ciwanê Welatparêz qebûldike ku hîna jî partiyên wekî HUDA-PAR, AKP û nizanim çi li ser erdê Kurdistanê, di nava kolan, gund û taxên me de bigerin, rey bixwazin, heta şaredariyan bigirin? Ev jî têrê nake HUDA-PAR li Licê êrîşê gelê me dike û birîndarî çêdibe. Dibe ku şehadet jî çêbûna, ji ber ku ev kesana bi çekbûn, dikaribûn gule jî berdana gel. Li nava Amedê komek AKP êrîşê Ciwanên Welatparêz dikin û nahêlin çalakiyên wan bêne li darxistin. Dîsa di zanîngehên Kurdistan û Tirkiyê de faşist her roj êrîşê Ciwanên Kurd dikin.
Başe ez niha dîsa dipirsim, vê wêrektiyê ji ku digirin? Dibe ku ji bêdengiya me digirin. Dibe ku me wekî tirsonek dibînin. Ji xwe dagirkerî wiha xwe di nava netewan de bicih dike. Lê ez hema çend tiştan bibîrbixim. Dema ku li Bajarekî Kurdistanê bi ser gelê me de êrîşek bihata kirin li hemû bajarên me serhildan radibûn. Feleka dijmin dihate şaşkirin. Eger li zanîngehekî tiliya Ciwanekî Welatparêz bihata xwînkirin, di serî de ew zanîngeh û hemû zanîngeh ji faşîstan re dibû cehenem. Hem jî di demên herî kirîtîk de. Demên ku rêxistinbûyîna me herî lewazbiya jî ev wisa bû. Başe em niha dinêrin ku rêxistinbûyîn xurte, em çi bixwazin di destê me de heye. Wê demê çi li pêşiya me astenge?
Niha em di salvegera 20’an ya komploya navnetewî de ne. Her sal ji niha ve çalakiyên xurt destpêdikirin. Lê heya niha hîna jî bertekeke cidî derneketiye holê. Berovajî, divê îsal ji her salê zêdetir berxwedanî derkeve holê da ku dijmin van lîstokên xweyî qirêj li ser me nede berdewamkirin. Divê em îsal hesabê komploya navnetewî di 21 saliya wê de bipirsin. Heya Rêber APO azad nebe, tu azadî bi dest nakeve. Kurdistan jî azad nabe, em jî azad nabin. Dîsa divê em hesabên zanîngehan bipirsin. Bi taybetî di vê mijarê de xwendevan divê herin ser kar. Em bi xwe tola xwe rakin. Em ji bîr nekin ku Rêber APO ji bo vê, Ciwanên Kurd silavkir. Em jî Rêber APO silav bikin.
Bi vê mebestê di serî de berteka me ya herî xurt beşdarbûna refên gerîla ye. Her gerîlayek tol girtina ji dijmine. Dîsa her bajarekî ku em lêne, divê ji dagirker û sîxurên wan re bibe cehennem. Divê nikaribin xebatên hilbijartinê bimeşînin û ji Kurdistanê bicehimin. Divê em bi psîkolojiya tol girtina 16 salan ve tevbigerin. Ciwanên Kurd yên fedaî dikarin veya bikin
