Dewleta Tirk a dagirker ev nêzî 7 mehan êrîşên xwe li ser Başûrê Kurdistanê bi armanca dagirkirinê dide meşandin. hin dever dagirkiriye û bargehên xwe yên leşkerî jî têde avakiriye. her wiha di demên dawiyê de êrîşî Qendîlê dike.
QAMIŞLO – Li hember van êrîşan hikumeta herêma Başûrê Kurdistan û hikumeta Îraqê ti helwest ne dane nîşandan. tenê Ciwan,gel û Gerîla li hember vê dagirkeriyê berxwedaniyê dike.
Derbarê van mijaran de ajansa me ya Nûçe Ciwan bi Rêveberiya Yekîtiya Ciwanên Rojava Mordem Qamişlo re hevdîtin kir.
Mordem Qamişlo di destpêka axaftina xwe de wiha got: Ji xwe em dizanin ku ev 40 sale tevgera azadiyê beramber pergala kapîtalîzm beramberî dagirkeriya dewleta Tirk di milê demokrasî û aştiyê de berxwedaneke mezin dimeşîne.
Ji bûna wê dewleta Tirk û bi taybet hikumeta AKP dixwaze îradeya xwe li Bakurê Kurdistanê bide avakirin pêwîste hêzên beramberî wê derdikeve tesfiye bike, armanca wê eve.
Derbarê êrîşên li ser Başûrê Kurdistanê û armanca dewleta Tirk a dagirker ji vê yekê Mordem Qamişlo wiha axifî: Dewleta Tirk bi hinceta ku şerê Gerîla dike îro êrîşî Başûr dike û bi vê yekê dixwaze êrîşên xwe rewa bike. Lê sedema van êrîşan ewe ku dewleta Tirk dixwaze dinava civaka Tirkiyê de xwe serkeftî nîşan bide.
Armanca dewleta Tirk ji van êrîşan ne tevgera azadiyê ye, armanca wê dagirkirina Başûr e, ji ber wê Tirkiyê bixwaze hêdî hêdî Başûê Kurdistanê dagirbike, Tirkiyê ne vala vala dibêje ku Kerkûk û Musilê girêdayî Tirkiyê be, ji xwe dixwaze federasyona Başûr bê bandûr bihêle.
Qamişlo derbarê hevkariya dewleta Tirk û hêzên navnetewî her wiha hikumeta herêma Başûr ev tişt got: Dewleta Tirk bi tena xwe nikare êrîş bike, hêza wê tuneye ku vê biryarê bigre, ev hevpeymaneke û di vê hevpeymanê de Amerîka û PDK jî heye. PDK ji vî tiştî re cavê xwe digire. Çima PDK’ê bê denge؟ ji ber ku dizane yê ku gelê kurd diparêze Gerîla ye. PDK’ê di nava gelê kurd de bê bandûr maya jiber wê dixwaze di nava kurdan de helwesta xwe ji nûve avabike, ji ber vê yekê dixwaze li hember tevgera azadiyê şerekî dijwar bimeşîne û xwe rewa bike.
Lê li Başûrê Kurdistanê di nava gel her wiha pêşmerge de nerazîbûnek heye, bi taybet ew 30 pêşmergeyên ku li hember van êrîşan derketin û ji aliyê hikumeta PDK’ê ve hatin girtin. her wiha îro bi dehan ciwanên Kurd l Qendîlê beramberî dagirkeriya dewleta Tirk bûne mertalên zindî û ev yek nahêle ku dewleta Tirk Başûr dagirbike.
Mordem Qamişlo di dewamiya axaftina xwe de got: Pêwîsta ciwanên Kurd, gelê kurd helwesta xwe zelal bike.
Dewleta Tirk dixwaze bê hêviyekê bide avakirin, ji ber vê yekê pêwîste ciwanên kurd li hember vê yekê xwedî helwest bin û jêre hişyar be û li beramberî dagirkeriyê xwedî serî hildanê be.
Di dawiya axaftina xwe de Mordem Qamişlo bang li ciwanan kir û got ku pêwîste ciwan li hember vê dagirkeriyê xwedî întîqam bin.
