Endamê Koordinasyona Komalên Jinên Ciwan Jiyan Koçer berxwedaniya Efrin’ê nirxand.
NAVENDA NÛÇEYAN- Endamê Koordinasyona Komalên Jinên Ciwan Jiyan Koçer berxwedaniya Efrin’ê nirxand. Di nirxandina xwe da peyamên “Werin em bi hev re li dijî van êrîşên faşîst û hovanî em Gelê Efrînê biparêzin û em serkeftinê mîsoger bikin” şand.
Berdewamiya nirxandin wisaye;
‘’Berxwedana Serdemê mehek paş xwe hişt. Hevalên ku canê xwe feda kirin û gihîştîn xeta qehremaniyê em bejna xwe ber hemûyan ditevînin û em wan bi bîr tînîn. Îro yên li Efrînê ber xwe didin, malên xwe bernedan, axa xwe bernedan em hemûyan silav dikin.
Wekî hemû mirov dizanin ku ew komploya Navnetewî ya 19 sal derbas kirî li ser Rêberê Gelê Kurd Rêber Apo ket sala xwe ya 20 emîn de.
‘’Emê heta dawiyê ji bo azadiya Rêber APO xebat bikin û tekoşîn bikin’’
Em dikarin wisa bêjin Berxwedana ya li Îmraliyê tê kirin ji berxwedana Efrînê ne dûr e. Ji bo wê jî cardin hemû devletên komploger yên bi faşîzmê ve destên wan komploya navdevletî de hebû em wan hemûyan nelet û şermezar dikin û em dibêjin em ê heta dawî ji bo azadiya Rêber Apo bixebitin û tekoşîn bikin. Heta ku em wan rojên wisa nebînin jiyaneke normal bo me nayê qebûlkirin.
Em hemû jî dibînin devleta faşîst ya Akp û çeteyên wê êrişekî topyekûn ve êrîşî axa me û bajarê Efrînê dike. Bi ewqas îmkanê leşkerî û teknîkî ve jî gav neavêtine û hêj jî li ser sînorên Efrînê digerin. Ji ber vê jî em dikarin wisa bêjin Dewleta dagirker ya Tirk nikare îradeya gelê Kurd û ya jinên azad bişikîne. Îradeya ciwanên azad yên ku li ser fikrê welateke azad, axeke azad in nikare bişkîne. Van êrîşên xwe jî bi navê “em êrîşî terorîstan dikin” ve dikin. Ev jî ditê xûyakirin ku dewleta dagirker her Kurdekî, Kurdistaniyekî wekî terorîstekî dibîne. Ji bo em bikaribin beramberî vê faşizmê şer bikin pêwîste em rastiya wê dewleta faşîst û bêehlaq baş bizanibin.
Dewleta Tirk ji bo me tune bike her tiştî wê bike. Divê em jî dijî van êrîşên faşîst tekoşîneke bilind bimeşînin . Divê Ciwanên Kurd, Jinên Ciwan, Jinên Kurd ji hemû aliyan ve ber xwe bidin.”
Em dixwazin ew Sîstema Netewa Demokratîk ya ku îro Rojavayê Kurdistanê hatiye avakirin li hemû cîhanê ava bikin, ewil jî Rojhelata Navîn de ava bikin.
‘’YPG û YPJ’ê ni fikr û ramanên Rêber Apo ve li dijî DAÎŞê şerekî bilind meşand û bi ser ket’’
Dewleta Tirk ya bi fikrê Neo-Osmanlî ve dimeşe naxwaze ti netew Rojhilata Navîn de xwe bi rê ve bibe. Ji bo wê jî pêvîst e gelên Rojhelata Navîn vê baş bibîne û beramberî vê helwestekî rast û xurt bide meşandin. Dewleta Sûrî îro li ser xwe be ew bi saya helwestên YPG û YPJê ne. YPG û YPJê bi fikr û ramanên Rêber Apo ve li dijî DAÎŞê şerekî bilind meşand û bi ser ket. Bi saya vê jî dewletên Sûrî û Eraqê li ser xwe man.Rêber Apo berî niha nîşan kiribû ku wê êrîş li ser Gelên Rojavayê Kurdistanê bibin. Me jî xwe bo şerekî xurt amade kiribû û niha em xwedî berxwedaneke mezin in. Me êrîşên El-Qaîde, Daîş û çeteyên din yên cîhadîst şikand em niha dijî êrîşên Dewleta Tirk-el qaîde-daîşê şer dikin. Niha jî em dibêjin roj roja parastina Efrînê ye. Bangawazî hemû ciwanên çar aliyê Kurdistanê dikin: “Werin em bi hev re li dijî van êrîşên faşîst û hovanî em Gelê Efrînê biparêzin û em serkeftinê mîsoger bikin” Dawî de jî em di şexşê Ş. Avêsta Xabûr de hemû şehîdan bi bîr tînin û we hemûyan silav dikin’’ di got.
