Endamê Platforma Seferberiya Berxwedana Efrînê Şoreş Ronahî, armanc û xebatê platformê got. Ronahî got ku heta aniha ji her deverê Kurdistanê 120 ciwan perwerde kirine û tevlî nava berxwedana Efrînê kiriye. Ronahî, herî dawî bang li ciwanan kir ku bi ruhê berxwedana Kobanê û şerên bajaran nava tevlî berxwedanê bibin kir.
QAMIŞLO – Êrîşên dewleta Tirk a dagirker û çeteyên wî li ser Efrînê ketiye roja 35’an. Li hember her cûre êrîşên dagirker û çeteyên Tirkan li Efrînê berxwedanek serdemî ji alî YPG, YPJ, QSD û gel tê nîşan dayîn. Li gel vî berxwedana ku li Efrînê heye ji alî ciwanên Bakûrê Sûriye û Rojava gelên din ên cîhanê ve Platformek bi navê Platforma Seferberiya Berxwedana Efrînê hat îlan kirin û dest bi kar kir. Avakir û endamê Platformê Platforma Seferberiya Berxwedana Efrînê Şoreş Ronahî, bahsa platform û kar û xebatê platformê ji ajansa me Nûçe Ciwan re kir.
Şoreş Ronahî, Platform wekî rêxistinekî bi pêkhateyên li ser axa Bakûrê Sûriye jiyan dikin hatiye ava kirin û ji alî her cûre tevgeran jî tê piştgirî kirin. Ronahî diyar kir ku, di platformê de ciwanên kurd, suryan, ereb, ezidî, misilman û mesîhî di platformê de cîh digire. Ronahî got ku, Platform di encam de di berxwedana roja 33 an de hat îlan kirin lê belê demekiye ku bi seferberiya ku hatiye îlan kirin ve dest bi kar kiribû.
Ronahî armanca Platformê wiha got, ev demekî ku bi ruhê seferberiyê li çar parçe Kurdistanê, Rojhilata Navîn, Ewropa û gelek dewerên cîhanê çalakî ji alî Kurdan û dostên Kurdan ve dihat çêkirin ev ruhê ku di çalakiya de derketiye holê bi rêxistin bike.
Ronahî dest nîşan kir ku dema Rêber Apo di pêveajoya Kobanê de bangavaziya seferberiyê kir û qedera şer guhert û berê ciwanên teybet Bakûrê Kurdistanê, sosyalîstan û her kesî dabû Kobanê û şerê Kobanê bi serket bi vê serkeftinê qezenç kirina berxwedana Efrînê jî misoger kir.
Ronahî, Xeteriya ku li Kobanê derketibû pêşiya gelê Kurd û mirovahiyê vê demê jî ev xetere heye û îja ne ji alî tenê çeteyan wek fermî ji alî dewleta Tirk a dagirker endamê NATO heye. Ronahî gotinê xwe wiha dewam kir, “Dewleta Tirk a dagirker çawa di 2012-2013 an de bi DAIŞ û El Nusra êrîş dikir, 2015 an de êrîşê bajarên Bakûrê Kurdistanê kir niha jî bi heman awayî dixwaze li Efrînê vê şoreşê tune bike. Êrîşê xwe yê herî hovane bi piştgiriya NATO û Rûsyayê li ser gelê Kurd dîsa dimeşîne ji her aliyan de. Li hember van êrîşên hovane, li Efrînê berxwedanek dîrokî, lehengî ji alî şervanan ve ji cîhanê ve tê nîşandan. Dewleta Tirk a dagirker bi hemû derfetê xwe dîsa jî cîhekî piçûk herama Efrînê nikare pêş bikeve ji ber ruhê fedaî, berxwedêr ên şervanên azadiyê.”
Ronahî armanca dewleta Tirk a dagirker wiha bêliv kir, “Ev şerê ku li Efrînê heyî ne tenê Efrînê têkildar dike hedef û armanca dagirkeran tunebûna Kurdan e, xeta sêyemîn, hêzên şoreşger, demokratîk e. Xwe ji bo tunebûna van seferber kiriye. Dewleta Tirk a dagirker vî şerî ji bo xwe şerê hebûn û nebûnê pênase kiriye. Heqe dewleta Tirk a dagirker wisa pênase kiribe em jî pêwiste sed car wî seferberbin.”
Ronahî got ku, “Serkeftina ku bi berxwedana Efrînê me bi dest bixin ne tenê pêşeroja Efrînê diyar bike pêşeroja hemû gelê Kurd û Rojhila Navîn jî ê diyar bike. Ji ber vê yekê seferberî şert û mercên me hemîya ye. Em jî lîser van esasan me got em kom bibin.”
Ronahî xebatê Platformê wiha pênase kir, “Ji bo em derfetek bidin ciwanên rûmet, xwedî şeref ên Bakûr, Başûr, Rojhilat ê Rojava bihwe erep an kurd an tiştekî çibin werin perwerde bibînin û li ser vî esasî tevlî berxwedana Efrînê bibin. Em wek Platfrom ciwana pêşwazî kirin û rê nîşan dayîn wek erk dibînin. Mebesta me em vê seferberiyê bêtir rêxistin bikin.”
Ronahî zanîna herî dawî wiha parve kir, “Di nîqaşa avakirina platformê de zêdetirîn 120 ciwanên Mexmûr, Başur, Rojhilat û Bakûrê Kurdistanê hatiye perwerde kirin, tevlî nava berxwedan Efrînê bûne.”
Herî dawî Ronahî bang, tevahî ciwanan, hemû mirovên xwedî bi rûmet serî de ciwanên welatparêz ên Rojava û Bakûrê Sûriye, ciwanên ku ji welatê xwe dûr jiyan dikin vegerên welatê xwe û berê xwe bidin ceperên berxwedanê, taybet ciwanên Bakûr bi ruhê berxwedana Kobanê û şerên bajaran tevlî berxwedanê bibin dikin.
