NAVENDA NÛÇEYAN: QSD’ê ragihand ku piştî xiyaneta li hêzên wan hatî kirin, li gundê Dibsî Afnan ê li rojavayê Reqayê pevçûnên tund qewimîn û çavkaniya gefê hate bêbandorkirin.
Navenda Ragihandinê ya QSD’ê, derbarê êrişên komên çeteyan ên li dijî şervanên wan ên ji Dêr Hafir û Meskenê vedikişiyan de, daxuyaniyek belav kir.
Di daxuyaniyê de hat destnîşan kirin li hemberî êrişan mafê parastina rewa hatiye bikaranîn û ev agahî hatin parvekirin: “Piştî ku hikûmeta Şamê lihevkirina hatiye çêkirin binpê kir û dijî hêzên me xiyanet kir, li gundê Dibsî Afnan di navbera hêzên me û êrişkaran de pevçûnên dijwar rû dan. Hêzên mafê parastina rewa bikar anîn. Di encamê de çavkaniya tehdîdê hatiye bêbandorkirin. Aloziya li herêmê didome.
Li aliyê din, qada neftê ya Thawra û eniya Xanem El-Elî pêşketine çênebûye. Hêzên me li hemberî her cure îhtîmalan amade ne.”
