NAVENDA NÛÇEYAN – Li Kampa Ş. Rustem Cûdî ya Mexmûrê, bi pêşengiya Yekîtiya Xwendekarên Azad, turnuvayek futbolê ji bo bîranîna Ş. Çiya Rizgar û Ş. Ronî Gever dest pê kir.
Turnuva bi kêliyek bêdengiyê ji bo bîranîna şehîdên şoreşê dest pê kir. Berî destpêkirina turnuvayê, xwendekar Amara Yıldız axaftinek pêşkêş kir.
Di axaftina xwe de, Yıldız diyar kir ku pêvajoya ku ji hêla Rêber Apo ve hatiye destpêkirin erk û berpirsiyariyan li ser gelê me, bi taybetî ciwanên me, ferz dike. Yıldız axaftina xwe wihaa berdewam kir: “Ji ber ku Rêber Apo dibêje, “Zarokên Mexmûrê zarokên min in.” Divê ew hêjayî vê sozê bin. Ciwan pêşeroja civakê ne; ew hêza wê ya herî dînamîk in. Ji ber vê yekê, barê herî girîng dikeve ser milê ciwanan. Wekî ku Rêber Apo got, me bi ciwantî dest pê kir, em ê bi ciwantî biserkevin. Dîrokê rûpelên xwe bi çîrokên ciwanan nivîsandiye. Wek ciwan, divê em erk û berpirsiyariyên xwe bicîh bînin. Rêber Apo baweriya xwe bi xwerêxistinkirinê anî. Xwerêxistinkirin û avakirina komunal pêşîniyên me ne, û em ê wekî erk nêzî van bibin. Di dawiyê de, em turnuvaya xwe ji bo rêzgirtina Ş. Çiya Rizgar û Ronî Gever dest pê dikin, û em wê ji bo hemî şehîdên tevgera azadiyê diyarî dikin. Em ê bi awayekî fîzîkî azadiya Rêber Apo misoger bikin.”
Turnuva bi dirûşmeyên “Bijî Serok Apo”, “Bê Serok Jiyan Nabe,” û “Ciwan Fedayên Rêber Apo Ne” dest pê kir.
Di turnuvayê de 15 tîm hene, ku sê ji wan jinên ciwan in. Maça yekem di navbera du tîmên jinên ciwan de hate lîstin, tîma sala duyemîn tîma sala yekem ya amedeiyî 2-1 têk bir. Maça duyemîn ji hêla tîma sala sêyemîn ve li hember tîma sala çaremîn ya amadeyî 4-3 bi ser ket. Maçên turnuvayê dê di vê hefteyê de bi berdewamî werin lîstin.
