REQA – Xwendekara Zanîngeha Wanê Rojîn Kabaîş par di bin şert û mercên gumanbar de jiyana xwe ji dest da. Di rojên ewil ên bûyerê de bûyer ji raya giştî re weke ‘xwekuştin’ hat nîşandan. Lêbelê, di encama lêkolînên paşîn de li ser laşê Rojîn nimûneyên DNAyê hatin dîtin. Bi van encaman êdî rewş guherî.
Ji dema doza Rojînê ve, xelk, bi taybetî xwendekar, daketin kolanan ji bo ku edaletê ji bo Rojînê bixwazin. Çend roj berê, xwendekarên zanîngeha li Kobanî kom bûn û ji bo doza Rojîn Kabaîş daxuyaniyek dan. Îro ji xwendekarên Zanîngeha El Şerq a Reqayê kom bûn ji bo ku daxuyaniyek hevbeş ji bo piştgiriya doza Rojînê bidin.
Xwendekar diyar kirin ku edalet ne tenê li salonên dadgehê, li gorî wijdanê gel jî tê xwestin:” Çîroka Rojîn Kabaiş îro ne tenê çîroka kuştina jinan e; Di heman demê de sembola şiyarbûna civakê ye jî.
Dengê ku li dû Rojîn bilind dibe ne tenê ji Wanê, ji her derê tê bihîstin. Û ji ber vê yekê her jin û xwendekar ku derdikeve kolanê û bêdeng nemîne. Bila mirina Rojînê were ronîkirin. Bila lêpirsîn bi awayekî zelal were kirin. Herwiha em bang li hemû rêxistinên jinan û endamên têkoşîna jinan dikin: Werin em bi hev re daxwaza xwe ya edaletê ji bo Rojînê zêde bikin.”
