NAVENDA NÛÇEYAN – Peymangea Bilind ya Hilala Zerîn, ku par li bajarê Hesekê, hate damezrandin, sala xwe ya duyemîn a perwerdeyê bi pîrozbahiyek coş dest pê kir.
Pêymangeh, îsal bi sedan xwendekarên jin ên ciwan pêşwazî dike. Dibistan, ku perwerdehiya çand û hunerê pêşkêş dike, gelek beşên wekî sînema, şano, wênesazî û muzîkê pêşkêş dike.
Di bernameya vekirinê de xwendekar, mamoste, hunermend û niştecihên herêmî beşdar bûn. Di bernameyê de performansên muzîkê jî hatin pêşkêş kirin.
Endama desteya hevserokatiyê ya PYD Foza Yusif ji tevli li şahiyê bû. Foza Yûsif li wir axivî û qala pêvajoya Sûriyê kir û got; “Sûriyê di demeke dirokî derbas dibe.
Di hemû diyalogên me yên bi hikuneta veguhêz ya Sûriyê em qala sîstema perwerdeyê dikin
Em hewil didin destkeftiyên şoreşa xwe biparêzin û em vê weke têkoşînekê dibînin. Pêwîste xwendekar û ciwanên civaka me xwedî li van destkeftiyan derkevin.
Em di dawiyê de serkeftinê ji hemû xwendekaran re dixwazin.”
Peymangeha Hilala Zerîn armanc dike ku hilberîna hunerî, bi taybetî ji hêla jinan ve, teşwîq bike û mîrateya çandî ya herêmê biparêze. Rêveberiya dibistanê diyar kir ku bernameya xwendinê ya îsal dê ji bilî yên herêmî, giraniyek mezintir li ser formên hunerî yên navneteweyî jî bide.
