KOBANÊ – Li navçeyên Çelebî û Eynîsa yên bajarê Kobanî, ji bo pêşengên ciwan ên ku di Tîrmeha 2023’an de di êrîşên hewayî yên balafirên bêmirov ên dewleta Tirk de şehîd bûn, çalakiyek bîranînê hat lidarxistin. Çalakî, ku ji aliyê Tevgera Ciwanên Şoreşger, Yekîtiya Jinên Ciwan û Meclîsa Malbatên Şehîdan ve hat organîzekirin, Şehîd Bişeng Brûsk, Şehîd Sara Hogir Riha, Şehîd Vejîn Jiyan û Şehîd Weid hatin bîranîn.
Çalakî bi deqeyek bêdengiyê ji bo bîranîna şehîdan dest pê kir. Piştre nûnerên saziyan girîngiya têkoşîna her çar şehîdan ji bo azadî, wekhevî û yekîtiya gelan anîn ziman. Di axaftinan de nirx û mîrateya berxwedana bi pêşengiya ciwanan ji bo gel hate destnîşankirin.
Di bîranînê de vîdyoyek jî hate nîşandan li ser jiyan û têkoşîna şehîdan.
Di tevahiya çalakiyê de dirûşmeyên “Şehîd namirin”, “Bijî Serok APO” û “Jin, jiyan, azadi” hatin gotin. Di çalakiyê de, ku bi beşdariya dehan kesan hat lidarxist, soz hat dayîn ku bîranîna şehîdan bi rêz were kirin û xeyalên wan wê pêk werin.
Şehîd Vejîn Jiyan û Şehîd Weid di 27’ê Tîrmeha 2023’an de li Rojava di êrîşeke balafirên bê mirov de şehîd bûn.
Şehîd Bişeng Brûsk û Şehîd Sara Hogir Riha di 28’ê Tîrmeha 2023an de li Herêma Parastinê ya Medyayê di êrîşeke hewayî de şehîd bûn.
