NAVENDA NUÇEYAN- Yekîtiya Jinên Ciwan ji bo jinên Ciwanên Herêma Firatê û Jinên Ciwanên Efrînê hevpar Kampa Xwebûn dan destpêkirin. Di Kampê dehan jinên ciwanên Efrînê û Kobanê amadebûn. Kampa ku 5 roj dewam kir de gelek bernameyên dewlemend hebûn. Ji xwendina perspektîfên Rêbertî, semînerên li ser Nasnameya Jinên Ciwan û Anatomiya Laşê Jinê heya leystok û gerandina cihên dîrokî gelek ders û aktivite hatin pêşxistin.
Her wiha di kampê de jinên ciwan Ji bo Rêber APO hest û fikrên xwe nivisandin.
Jinên Ciwan ku tevlî wan kampan bûn nêrînên xwe ji ajansa me ra anîn li ser ziman û diyar kirin ku ev kamp derfetek mezin dide jinên ciwan ji bo ku xwe hîn baştir nas bikin. Ji ber ku bi şewazên cûr bi cûr ders tên dayîn, ev dihêle ku jinên ciwan hîn baştir mijaran fembikin. Jinên Ciwan dan diyarkirin ku divê her jinekê ciwan tevlî vê kampê bibe.
Ev demekê Yekîtiya Jinên Ciwan di hemû bajaran de Kampên Xwebûn bi rêxistin dike. Ev kamp li ser esasê ku jinên ciwan hîn zedêtir cewheriya xwe nas bikin û xwe nezî fikir û felsefeya Rêber APO bikin. Di kampan de ji bo naskirina birdoziya Rizgariya Jinê gelek bernameyên afrîner hene. Piştî ku di hemû bajaran de kamp hatibûn birêxistinkirin, vê car li ser asta herêman de Kampên Xwebûn hatin lidarxistin.
