RIHA – Ciwanên ku ji bo pîrozkirina rojbûna Rêber APO ji Amedê ber bi Amarayê ve meşiyan li Sêwregê bi coş hatin pêşwazîkirin.
Meclisa Ciwanan a Partiya Wekhevî û Demokrasiyê (DEM) bi boneya 76’emîn rojbûna Rêber Apo meşa xwe ya ji Amedê ber bi Taxa Amara ya navçeya Xelfetî (Helfetî) ya Rihayê da destpêkirin û roja xwe ya yekemîn li navçeya Swreg a Rihayê bi dawî kir.
Girseya gel ji Taxa Yukarıakdibek a navçeya Rezan (Bağlar) a Amedê ber bi sînorê Rihayê ve dest bi meşê kir. Ciwanên ku bi dirûşmeyên “Rojbunate pîroz be ey Serok APO”, “Ciwan fedaiya Rêber Apo ye”, “Jin jiyan azadî, azad bike Rêbertî”, “Li kolanan negerin APOYİ li her derî ne” meşiyan, Parlamenterên DEM’ê Bêrîtan Guneş, Serhat Eren, Onur Duşûnmez û Zemezkî jî hebûn.
Di meşê de ciwanan pankartên “Jin û ciwan şopdare Rêber APO ne” û “Rojbuna roje, vejîne gele Kurd e” vekirin. Di meşê de wesayîtên ku derbas dibûn bi tilîlî û nîşaneyên serkeftinê piştgirî dan ciwanan.
Piştre welatiyan li Parka Sêgoşe ya li navendê bi tilîlî û çepikan sitûna meşê ya ku hat Sêwregê bi qîrîna dirûşmên “Bijî serok APO” pêşwazî kirin. Girse ji vir bi qîrîna dirûşmeyan ji Kolana Esmerçayirê heta Parka Kanliluyu meşiya.
Piştî meşa ber bi parkê ve ciwan dest bi dîlan gerandinê kirin. Roja yekem a meşê bi govendê bi dirûşmeyan bi dawî bû.
