REQA– Li bajarê Reqayê ji aliyê Tevgera Ciwanên Şoreşger û Yekîtiya Jinên Ciwan ve bi beşdariya ciwanên Tebqa û Dêrezorê ji bo azadiya fîzîkî ya Rêber Apo meşek girseyî hate organîzekirin.
Meşa ku ji ber Nexweşxaneya Şehîd Kendal destpê kir heta Qada Jina Azad berdewam kir. Di meşa ku pankartên Rêber APO hatin rakirin de bênavber dirûşmeyên azadiya fîzîkî ya Rêber APO hatin qîrîn.
Girse gihişt qada Jina Azad û ji bo bîranîna hemû şehîdên şoreşê deqeyek rêz girt.
Piştre li ser navê Tevgera Ciwanên Şoreşger daxuyanî hat xwendin. Di daxuyaniyê de hate gotin ku Rêber APO 26 sal in di hedefa komploya navneteweyî de ye.
Di daxuyaniyê de hat ragihandin ku ji bo têkoşîna demokratîk û azadîxwaz a li herêmê ji holê bê rakirin û gelê Kurd û gelên herêmê bê mafên xwe bijîn, êrîş li ser fikir û feraseta îradeya azad a Rêber APO hate kirin û hat gotin, “Lê belê têkoşîna Rêber APO û gerîlayan komplo û raman û armancên xwe yên feylesof ên dewleta Rêber APO yên ku ji aliyê feylesofên dewleta xwe ve hatine pêşxistin, pûç kirin.” Hat gotin.
Di daxuyaniyê de hate gotin ku Rêber APO mifteya çareseriya pirsgirêkan ne tenê li Rojhilata Navîn, li hemû cîhanê ye û hate gotin, “Rêberî careke din amade ye ku nexşerêya aştiyê ne tenê li Tirkiyeyê, li tevahiya Rojhilata Navîn xêz bike, ji ber vê jî banga demokrasî û aştiyê kir. Li ser banga Rêber APO em dikarin di nava aştî û demokrasiyê de bijîn û komploya navneteweyî têk bibin.” Hat gotin.
Daxuyanî bi dirûşmeya “Bijî Rêber APO” bi dawî bû.
