NAVENDA NÛÇEYAN – Em dosyaya perspektîfa Stêrka Sor a ku Ronî Med ji bo bernameya Stêrka Sor (Kızıl Yıldız) nivîsandiye parve dikin.
Dîrok wê li ser yên li berxwe dane binivîsîne
Şerê ku îro Rojhilata Navîn dorpêç dike, hewl dide vîna gelan bişkîne û têkoşîna azadiyê bifetisîne. Li aliyekî vî şerî îstîsmar, dagirkerî û faşîzm heye. Li aliyê din berxwedan, azadî û wekhevî heye. Rojava sembola vê berxwedanê ye. Êrîşên faşîzma Tirk û hevkarên wê tinekirina vê hêviyê ye.
Di dîrokê de ciwan bûye hêza ku tarîtiyê diçirîne û zincîrên zilmê dişkîne. Heman erk îro jî li pêşiya me ye. Li cihê ku faşîzm tirsê belav bike, li cihê ku dagirkerî lê hebe bi berxwedanê û li cihê ku teslîmiyet hebe em ê bi wêrekî hebin. Ji ber ku dîrok wê li ser yên berxwedêr binivîsîne.
Ciwan pêşengên vê têkoşînê ne
Faşîzm tirsê dixwe. Dixwaze gel bêdeng bike û ciwanan bitirsîne. Lê bila neyê ji bîr kirin: Faşîzm çiqas êrîş bike, tirsa wê ewqasî zêde dibe. Yên ku îro li Rojava ji bo azadiyê li ber xwe didin, vê tirsa ji faşîzmê pêk tînin. Em ê bi heman cesaretê li kêleka wan şer bikin. Faşîzma Tirk ne tenê gelê Kurd li Rojava, azadî bixwe jî dike hedef. Lê nizanin ku ev êrîş wê berxwedanê mezintir bike. Ji ber ku ev têkoşîn têkoşîna diyarkirina çarenûsa gelan e, ji bo edalet û rûmetê ye. Û ciwan pêşengê vê têkoşînê ne.
Berxwedan ne tenê azadiyê dide me; Tê bîra me ku em kî ne û ji bo çi şer dikin. Gelê Rojava mil bi mil li dijî faşîzmê li ber xwe dide. Ev berxwedan ne tenê parastina axê ye, parastina rûmeta mirovahiyê ye.
Ciwan tenê bi berxwedanê dikarin pêşeroja xwe ava bikin. Teslimbûn tê wateya windakirina ne tenê îro, sibe jî. Lê belê ji bo avakirina jiyana bi rûmet û azad em bi biryar in ku vê fermanê tine bikin. Faşîzm wê bi ciwanekî rêxistinbûyî, hişmend û wêrek re rû bi rû bimîne.
Ya ku bi serbikevin em bin
Dewleta Tirk a faşîst û çeteyên DAIŞ’ê mehkûmî windakirinê ne. Yên ku îro bi dagirkerî û zilmê hewl didin gelê Kurd bikin kole, wê sibe bi berxwedana gelê me werin tunekirin. Em bi hêza gelên ku dînamîzma wan ji ciwantiyê tê bawer dikin, ji ber ku dîrok her tim bi serketina kesên ku ji bo azadiyê rawestiyane hatiye nivîsandin. Îro li ser me ye ku em dengê xwe bilind bikin, berxwedanê berfireh bikin, zincîrên faşîzmê bişkînin. Weke ciwan em ê di vê nivîsandina dîrokê de cihê xwe bigirin, faşîzmê têk bibin û pêşerojeke azad ava bikin.
Ciwanên Kurd! Girtina refên berxwedanê yên li dijî faşîzmê û bûyîna hêza hilgirê vê têkoşîna bi rûmet, berpirsyariyeke dîrokî ye. Em bang li we dikin ku ji bo azadiya Kurdistanê bê rawestin û bê ku bedel dayînê dûr bikevin tekoşîn bikin. Serkeftin wê ya yên ku bi vê biryar û baweriyê heta serketinê bênavber şer dikin be. Wêrekî û biryardariya ciwanan têra şikandina zincîrên vê fermanê dike.
Li dijî faşîzmê dengê xwe bilind bikin, cihê xwe di nava berxwedanê de bigirin û hêviyê mezin bikin!
Pêşeroj di destê me de ye.
Niha dema çalakiyê ye!
Serkeftin dê ji bo yên li berxwe bidin!
Çavkanî: Stêrka Sor (Kızl Yıldız)
