MEXMÛR – Li Wargeha Şehîd Rustem Cûdî ya Mexmûrê di çarçoveya têkoşîna li dijî Komploya Navnetewî ya 9’ê Cotmehê ya li ser Rêber APO, bi pêşengtiya Tevgera Jinên Ciwan ên Mexmûrê (TJCM) ve rêzeçalakî hatibû desptêkirin. Ev rêzeçalakî sê rojan berdewam kir, di van rêzeçalakiyan de sînevîzyon, semîner û daxuyanî hatine dayîn.
Roja sêyemîn a rêze çalakiyê bi daxuyaniyêk derbarê têkoşîna li dijî 26’emîn sala komploya 9’ê Cotmehê bi dawî bû. Bernameya çalakiyê li Navenda Tevgera Ciwanan a Mexmûrê bi deqeyek rêzgirtin ji bo cangoriyên azadiya Kurdistanê hat destpêkirin.
naveroka daxuyanî wiha ye;
JI BO ÇAPEMENÎ Û RAYA GIŞTÎ
Komploya 9’ê Cotmehê 26 sal li dû xwe hişt. Pêvajoya Komploya Navneteweyî ya ku 9’ê Cotmeha 1998’an de destpêkirî û li ser bê çareserkirina pirsgirêka Kurd hate avakirin wek operasyonek ji bo berjewendiyên hêzên global derbasî dîrokê bû. Ev 26 sal dibin ku di encama vê komployê de Rêber APO di grava İmralî de di nav tecrîdekê mutlaq de ye.
Komplo ya ku armanca wê imhakirina Rêbertiya me bû, di esas de di sala 1996’an de hat destpêkirin. Lê pêşdedîtinên Rêber APO vê komployê bê bandor hişt. Di heman deme de rêheval Zilan xeteriya li ser Rêber APO bi kurahî fêm kir û bi çalakiya fedayî bersiva herî mezin da komplogeran. Hêzên desthilatdar ji ber ku fikren Rêber APO li pêşiya planên xwe astengî dibinin xwastin Rêber APO bê bandor bikin. Ji ber ku tekoşina Rêber APO tene gele Kurd ji qirkirinê rizgar nekir; heman deme de ji bo gelen cihanê jî riya azadi û rizgariyê vekir. Li ser vî esasî di pêşengtiya Amerika, İsrail, İngiltere û Awrupayê de hemû netew- dewlet xwe kirin yek û Rêber APO bi komployekê plankirî dîlgirtin. Lê gele Kurd vê komployê ti carî hasim nekirin û wekê rureşiya heri mezin a li ser mirovahiyê girtin dest. Ji ber wê jî tekoşina li dijî komployê wek bingeha tekoşina azadiya gelan hat destgirtin. Ji zindanan bigrin, heta li kolanên Ewrûpayê, bi dehan jin û ciwan ên ku bi tu awayî komployê qebûl nekirin, bedena xwe dan ber agir û xwe li derdora Rêber APO kirin xelek. Gelê Kurd û dostên Kurdan nişan dan ku azadiya wan bi azadiya Rêber APO ve girêdayiye û heta Rêber APO di grava İmrali de be, ne pirsgirêka Kurd ne jî pirsgireka gelen bindest çareser nabe.
Îro em dibinin ku tekoşina li dijî komployê gihaştiye asta kurevî. Pêngava ‘Ji Rêber APO re azadi, ji pirsgirêka Kurd re çareserî’ qonaxekê nû a tekoşina li dijî komployê ye û ev qonax her diçe mezinttir û berfirehtir dibe. Wek Tevgera Jinên Ciwan em jî diyar dikin ku wek fedayiyên APOYİ, ji bo azadiya fizikî a Rêber APO emê di çerçoveya vê kampanyayê de tekoşina xwe bilinttir bikin. Emê bi xurtkirina rêxistinbuyina xwe û bi çalakiyên xwe pergala tecrîdê bişkînin û bigêhijin fizikî azadiya Rêber APO.
Li ser van esasan em di seride Komploya 9’ê Cotmehê û hemû hêzên ku deste wan di vê komployê de heye, bi tundî şermezar û rureş dikin. Em careke din hemû Şehîdên ‘Hun nikarin Roja me Tarî bikin’ bi rêzdarî bîr tînin û soza armanca wan gihandina serkeftinê didin. Di heman deme de em hêzên hevakr û xiyanetkar ku di kurbuyin û dirêjkirina Tecrîdê re rol dileyzin jî hişyar dikin: Rêber APO xeta me ya sor e, ger zererê herî piçuk bigehîje Rêbertiya me, emê bi rêbaza pêwist hesabê vê yeke bipirsin. Em diyar dikin ku emê tekoşina li dijî komployê bi rihê seferberi bigêhinin serkeftine û heta azadiya fizikî a Rêber APO em di dest nexin, wek jinên ciwan emê her li qadan bin.
Biji Serok APO!
Bê Serok Jiyan Nabe!
Bimre Komploya 9’ê Cotmehê!”
