HESEKE – Tevgera Ciwanên Şoreşger ê Sûriyê kongreya xwe ya 4’emîn di bin dirûşmeya “Bi rihê şoreşa 19’ê Tîrmehê emê xwe bi rêxistin bikin, dagirkeriyê têk bibin û azadiya fîzîkî ya Rêber Apo mîsoger bikin” li darxist. Kongre 2 roj berdewam kir û îro bi nîqaşên rêxistinî bi dawî bû.
Endamên Tevgera Ciwanên Şoreşger û Yekîtiya Jinên Ciwan derbarê 4’emîn kongreyê tevgerê, wate û hedefê wê bi Ajansa Nûçe Ciwan re axivîn.
Îslim Îbrahîm, endama Tevgera Ciwanên Şoreşger û Yekîtiya Jinên Ciwan a Kobanê
“Li vê derê em kongreya ciwanan a 4’emîn li Rêber Apo pîroz dikin û li tevahî şehîdên şoreşê pîroz dikin. Li vir em sersaxiya ji hemû malbatên şehîdan re dixwazin. Em li vir di kongreya Bakur û Rojhilatê Sûriyê de tevahî ciwanan li vê derê kom bûn. Li vir rapora kar û xebat ya 3 salan hat xwendin. Me sînevîzyon jî temaşe kir. Li vê derê tevahî ciwanan bi nêrîn, bi wî rihî, bi wê bawerî tevlî nîqaşên bûn. Hîn di beşê xwe de wê baştir were nîqaş kirin. 19’ê Tîrmehê, şoreşa Bakur û Rojhilatê Sûriyê li pêşiya me ye. 12 sal in ku şoreş berxwedide. Gerek em jî wek ciwan û jinên ciwan vê tekoşînê bilind bikin û di vê şoreşê de zêdetir kar û xebat bimeşin. Şoreş ji Kobanê dest pê kir. DAIŞ, ku tu dewlet niikarîbû bişkîne, li vê derê bi tekoşîna jin, bi tekoşîna ciwanan, DAIŞ hat şkenandin. Her 4 hevalên me yên berxwedana 14’ê Tîrmehê ji bo me bûn mînak, bûn hêzek ji bo tevahî tevgera ciwanên şoreşger ku em îro bi saya wan, bi keda wan em bi hezar ciwan li vir kom bûn, em dikarin wek ciwan rabin û helwestê xwe bînin ser ziman, em dikarin nirxandinên xwe bi zimanê xwe, bi rehetî, pirgirekên xwe yên ciwanan nîqaş bikin. Emê gelek tişt binirxînin û emê pêşî li gelek pirsgirêkên ku ciwan pê re rû bi rû dimînin, wek madeyên hişbir, fuhuş û koçberiyê, bigirin. Gerek wek ciwan em bigihînin çareserî. Wek ciwan pêwîst e em bibin sembola civakê, ji ber ku çavên hemû civakê li me ye. Dînamîka civaka ciwan in. Divê em xwedî li ciwanan derkevin, xwedî li van şehîdên tevgera azadiyê derkevin, ku hiştin em îro li vê derê kom bibin. Gerek em rêya wan bişopînin heta ku em bigihêjin hedef û xeyalên wan. Tekoşîna wan hişt ku em îro li vê derê bin, lazim e em jî berdewam bikin. Gerek em tu carî wek tevgera ciwanên şoreşger westiya nebin, em bêtir berxwe bidin ku em bikaribin vê tekoşînê, vê şoreşê bi awayekî serkeftî derbas bikin.”
Mûrad Kobanê, endamê Tevgera Ciwanên Şoreşger ê Kobanê
“Ev kongreya me ya 4’emîna Tevgera Ciwanên Şoreşger bi rihê 19’ê Tîrmehê tê li darxistin. Bi wê rihê jî, biriyar tên dayîn. Biriyar ku tên dayîn, biriyar ji bo xizmeta şoreşê ne, ji bo rizgarkirina vê gelî ye. Helbet ji bo ku şoreşa heta dawî jî berdewam bike, heya ku rizgar bibe, heya ku giştî herêmên ku di destê çete de ne em rizgar bikin, bi rihê şoreşê 19’ê Tîrmehê em vê kongre li dardixin. Ev kongre ne tenê ji bo 19’ê Tîrmehê ye. Kongre ji bo Serokatî fîzîkî azad bikin jî tê li darxistin. Bi rihê vê kongre, bi rihê 19’ê Tîrmehê emê hem Serokatî hem ew herêmên di destê çeteyên dagirker, wek Efrîn, Serekaniyê û Girê Spî emê rizgar bikin.
Em wekî ciwan, di kongreya xwe de em biriyar didin ku emê hemû herêmên ku di destê dagirkerî de ne, emê rizgar bikin. Ev kongre hem ji bo rizgarkirina Rojava tevahî, hem ji bo jî rizgarkirina Kurdistanê tevahî ye. Ew berxwedanî ku li ser çiya tê kirin îro vir jî em berdewam dikin bi kongreyê xwe. Em wekî ciwan, kongreyê me ne tenê bi slogan derbas dibe. Wê bi bersivê pratîk jî were dayîn. Di demekî nêz de jî emê Serokatî rizgar bikin, azad bikin û emê hemû herêmên di destê dagirkeriyê rizgar bikin. Em wek ciwanên Rojava, ciwanên Bakur û Rojhilatê Sûriyê em vê kongre di vê waxtê de girîng dibînin. Ji ber ku ev herêmên di destên çete de ne lazim e werin rizgarkirin. Dema tu xwedî li şoreşa 19’ê Tîrmehê derkeve, Ji ber wê yekê, em wekî ciwan, em vê kongre li dardixin li ser esasê ku em herêm di bin dagirkerî de rizgar bikin û Serokatî azad bikin. Eger ku Serokatî azad nebe, ne ciwan û ne welat jî azad dibe.”
