NAVENDA NÛÇEYAN- Navenda Ragihandinê ya Hêzên Sûriya Demokratîk (QSD) bîlançoya sûc û binpêkirinên dewleta Tirk a dagirker a nîvê sala 2024ˊan parve kir.
Berfirehiya bîlançoyê wiha ye:
“Dewleta Tirk a dagirker binpêkirin û sûcên xwe li dijî şênî û herêmn Bakur û Rojhilatê Sûriyeyê dewam kirin. Di encamê de gelek binpêkirinên dikeve xana sûcên şer ên giştî pêk anîn. Dagirkeriyê bi balafirên bêmirov, şer û çekên giran ji Dêrikê de heta bi bajarokê Eyn Îsa û gundewarên wê, Minbicê û gundewarên wê heta bi herêmên Şehba û Efrînê êriş pêk anîn. Her wiha dagirkeriyê derbeyên giran li dijî avahiyên binesazî pêk anîn, tîmên tibî, parastina sivîl û nûçegihan hedef girtin.
Destpêka salê dewleta Tirk a dagirker binesazî, cihên stratejîk ên sivîl û kargeh hedef girtin. Di dawiya nîvê îsal de, anku di mehên Gulan û Hezîranê (mewsima çinînê) de zeviyên genim û ceh ku jêdera qûta yekane ya şêniyan hatin hedefgirtin. Li kêlek wê jî qirêjiya ji ber şewata zeviyan zirar bi çandinî û zindiyên din kir. her wiha di encama hedefgirtina stasyonên petrolê li Qamişlo de ava çemên nêzîkî wan qirêj bûn, mîna çemê Cexcex. Gund û bajarokên li seranserî eniya şer rastî hedefgirtinên ketober hatine, bi wê re sivîl birîndar bûn, zirar bi mal û milkên wan bûn.
Bi destpêka havînê re şêniyên herêmên Bakur û Rojhilatê Sûriyeyê êşên qutbûna kehrebê dikişînin, bi taybet li Qamişlo. Qutkirina kehrebê zirareke mezin çêdike. Li Hesekê jî hîna mîna her havînekê gel ji ber qutbûna ava stasyona Elokê êş û ezaran dikişîne.
Dewleta Tirk a dagirker bi hedefgirtina Mala Gaziyan a Qamişlo sûcên şer pêk anîn. Di encama hedefgirtinê de 2 gaziyên li dijî DAIŞˊê şer kirine; Sorxwîn Rojhilat û Azadî Dêrik şehîd bûbûn.
Bîlanço wiha ye:
Hejmara êrişan bi giştî: 339 êriş
Hejmara êrişên bi çekên giran: 249 êriş
Hejmara êrişên bi balafirên bêmirov: 86 êriş
Hejmara şehîdên sivîl: 5 şehîd di nav de zarokek û 2 jin.
Hejmara sivîlên birîndar: 52 sivîl, di nav de 14 zarok û 6 jin.
Hejmara leşkerên şehîd: 6 şehîd.
Avahiyên binesaziyê yên hatine hedefgirtin: 23 avahî.
Herêmên çandiniyê yên hatine hedefgirtin: 13 herêm.
Hûrgiliya hedefgirtina dewleta Tirk a dagirker wiha ye:
Avahiyên binesaziyê yên hatine hedefgirtin:
Hejmara wan hedefgirtina 33 ye û li dijî wan cihan pêk hatin:
6ˊê Çileyê depoyên Um El Kêf ên li bajarokê Til Temirê hatin hedefgirtin.
13ˊê Çileyê stasyona sotemeniyê ya li bajarokê Tirbespiyê hat hedefgirtin.
13ˊê Çileyê de stasyona petrolê ya bajarokê rojavayê Tirbespiyê hat hedefgirtin.
14ˊê Çileyê depoya genim a li bajarokê Xabe yê Kobanê bi du derbeyan hat bombebarankirin, her wiha Tîmên Parastina Sivîl û Ragihandina Sivîl ên berê xwe dane cihê hate bombebarankirin.
14ˊê Çileyê stasyona kehrebê li bajarokê Amûdê hat hedefgirtin.
14ˊê Çileyê şîrketa Nêrgiz a li bajarokê Şêxo ya Qamişlo hat hedefgirtin.
14ˊê Çileyê stasyona kehrebê ya li navenda bajarokê Kobanê bi du derbeyên balafira şer hat bombebarankirin. Her wiha Tîmên Parastina Sivîl û tîmên bijîşkî yên berê xwe dane cihê hedefgirtinê hatin hedefgirtin.
14ˊê Çileyê stasyona kehrebê li navenda Qamişlo hat hedefgirtin.
14ˊê Çileyê dibistana fêrkirina ajokariyê li rojavayê Qamişlo hat hedefgirtin.
14ˊê Çileyê kargeha çêkirina helawê û tihînê li rojavayê Qamişlo hat hedefgirtin.
14ˊê Çileyê avahiya kehrebê ya li Siwêdiyê hat hedefgirtin.
14ˊê Çileyê kargeha gazê ya li herêma Koçerat a Dêrikê hat hedefgirtin.
15ˊê Çileyê stasyona kehrebê li Dirbêsiyê hat hedefgirtin.
15ˊê Çileyê stasyona kehrebê li navenda Qamişlo hat hedefgirtin.
15ˊê Çileyê stasyona Ûdê ya petrolê û stasyona kehrebê li Tirbespiyê hatin hedefgirtin.
15ˊê Çileyê stasyona kehrebê li Rimêlanê hat hedefgirtin, di encamê de welatiyê bi navê Gabrîn Ferho birîndar bû.
1ˊê Sibatê stasyona petrolê ya Qamişlo hat hedefgirtin û bi wê re çemê Cexcex qirêj bû.
6ˊê Sibatê kargeha teyran (mirîşkan) li gundê Nesro yê bajarokê Sirînê yê Kobanê hat hedefgirtin.
11ˊê Sibatê avahiya Mala Gaziyan a Qamişlo hat hedefgirtin, di encamê de Azadî Dêrik û Sorxwîn Rojhilat şehîd bûn.
26ˊê Sibatê kargeha mirîşkan a li gundê Teanê yê li herêma Şehba hate hedefgirtin, di encamê welatiyê bi navê Yûsiv El Hayik şehîd bû û zarokê bi navê Ebdurehman El Hayik birîndar bûn.
19ˊê Nîsanê stasyona petrolê ya li bajarokê Tirbespiyê hat hedefgirtin.
20ˊê Gulanê stasyona petrolê ya Seîde ya li Tirbespiyê hat hedefgirtin.
5ˊê Hezîranê tora kehrebê ya hêza bilind li eniyên şer li gundewarên Girê Spî hat hedefgirtin.
