NAVENDA NÛÇEYAN- Dewleta Tirk a dagirker dîsa li beramberî kurdên ku dixwazin bi zimanê xwe çanda xwe bidin nasîn û nasnameya xwe ya hûnerî derbixin holê astengiyan ava dike û nahêle ku kurd bi ziman û çanda xwe jiyan bike. Ev astengî beriya niha jî bi her cûre û şêwazî hatibûn pêşberî me lê em careke din jî fêrbûn ku dewleta Tirk a dagirker zimanê kurdî li beramberî xwe xeteriyeke mezin dibîne. Hişmendiya mêtîngeriyê dixwaze çand û pirrengiya cîhanê ya ku pir zimanî bi taybetî dixwaze zimanê kurdî wenda bike. Ji bo vê yekê bi her şêwazî êrîşên bişavtinê ve dixwazin bi taybet ciwanên me ji çand û zimanê wan dûr bixin.
Îro kurd ji bo çand û zimanê xwe biparêzin li ber devê kêrê ne. Ciwanên kurd yên ku li beramberî vê bişavtinê serî radikin û bi israrin ku bi zimanê xwe bijîn dixwazin bi her cure tehtidan re ciwanan bitirsînin û wan ji bişavtinê re derbas bikin da ku nifşê nû bê ku ziman û rastiya xwe nas bike werin dinyayê.
Lîstika şanoya kurdî ya Qral û Travîs ji aliyê Qeymeqamtiya Şîşliyê ve 1 saet beriya ku hemû bilêt bên firotin û bihata lîstin, hat qedexekirin.
Lîstika “Qral û Travîs” a ku Şano Ar wergerandibû kurdî, vê carê ji aliyê Qeymeqamtiya Şîşliyê ve 1 saet beriya lîstika li Stenbolê bê hincet hat qedexekirin.
Ciwanên Şano Ar ku her tim bi çanda xwe ve girêdayî û bi zimanê xwe şanoyan çêdikin her dem li beramberî wan astengiyan derdixin. Îro jî ji ber ku wê bi zimanê xwe ve derbikevin dîkê qeymeqamê Şîşliyê ji bo wan qedexeya derketina ser dikê derxistiye û gelê ku dixwaze derbasî salona şanoyê bibe asteng dikin. Ji ber vê yekê jî endamên Şano Ar li beramberî vê yekê helwestê xwe nîşan didin û ji bo protestokirina vê qedexeyê ragihandin ku wê li dîka xwe bin û dîka xwe bernedin.
Lîstika ku ji aliyê lîstikvanên şanoyê Denîz Ozer û Bahoz Ozsunar ve hat lîstin, dihat payîn ku îro li Navenda Çandê ya Bajêr a Stenbolê Şîşli Cemîl Candaş were lîstin.
Ekîba şanoyê ku li Navenda Çandê ya Cemîl Candaş amadekariyên xwe didomîne, hat zanîn ku lîstik nayê lîstin. Ji bo astengkirina lîstika ku lê bilêt tên firotin tu sedem nehat dayîn.
‘EM JI SER DIKÊ DANAKEVIN’
Şanogerên Kurd beriya bi saetan bertek nîşanî qedexekirina lîstikên şanoya Kurdî dan û diyar kirin ku ew ê sehnê terk nekin. Lîstikvanên şanoyê di daxuyaniya xwe de ev tişt gotin: “Îro lîstika me ji aliyê Qeymeqamtiya Şîşliyê ve hat qedexekirin. Polîsan derî girtin. Destûr nadin temaşevan li hundir. Em jî li ser sehnê ne. Em dev ji sehneya xwe bernadin, hunera kurdî nayê terikandin. Em lêborîna xwe ji kesên ku bilêtên xwe kirine û hatine vir dixwazin. Em giliya we fam dikin. Em li vir in. “Sat çi be bila bibe em ê li vir bin.”
‘ŞANOYA KURDÎ BI AWAYEKE BIJARTE TÊ QEDEXEKIRIN
Parlamenterê Mêrsînê yê Partiya Wekhevî û Demokrasiyê (DEM) Alî Bozan têkildarî qedexeya li ser hesabê xwe yê medyaya virtual daxuyanî da û got, “Şanoya Kurdî bi awayekî bijarte hatiye qedexekirin. Lîstika şanoya Kurdî ya King û Travîs li Dîlokê piştî qedexeyên berê hatibû qedexekirin. Di 13’ê Sibatê de li Mêrsînê derket ser dikê. Niha hemû bilêt li Şîşliya Stenbolê hatin firotin û 1 saet beriya lîstika lîstikê bi biryara qedexekirinê hat qedexekirin. Li hemberî kesên ku hunermendên Kurd tepeser dikin û hunerê qedexe dikin, pêşî li perwerdehiya bi zimanê dayikê digirin û li dijî zîhniyeta ku asîmîlasyonê li ser gelê Kurd ferz dike, têkoşîn, têkoşîn, têkoşîna me hemûyan e. “Ez zîhniyeta qedexeker şermezar dikim.
