MEXMÛR – Pêngava cîhanê ya di 10`ê Cotmehê de bi dirûşma “Ji Rêber APO re azadî û ji pirsgirêka kurd re çareserî” destpê kiriye. Li ser vê esasê jî tevger a jinên ciwan, tevgera ciwanan û yekîtiya xwêndevanên azad a mexmûrê tevlîbûna xwe ya di pêngava ‘Ji Rêber Apo re Azadî, ji Pirsgirêka Kurd re Çareserî’ bi daxuyaniyêkî ragihandin. Daxuyaniya ku bi Kurdî ji aliyê endamê yekîtiya xwêndevanên azad bi navê Eylem Denîz ve hat xwendin wiha ye;
Daxuyanî a TJCM û TCM jibo tevlî bûna pêngava ‘Ji Rêber Apo re Azadî, ji Pirsgirêka Kurd re Çareseriyî’:
Jibo Raya giştî
28’ê Tebaxa îsal Li Wargeha Şehîd Rustem Cudî ji bo azadiya fîzîkî ya Rêber Apo pêngavek a name nivîsandinê bi pêşengtiya Tevgera Ciwanên Mexmûre ya bi navê ‘JI BO RÊBER APO TU JÎ NAMEYEK BINIVÎSE’ hatibû destpêkirin.
Nameyên ku hatibune nivîsandin heta 20ê cutmehê bi tevlî buna hemû saziyan û herê dawî jî bi tevlî bûn a yekîtîya xwendevanên azad a wargeh a Şehîd Rustem cûdî bi dawî bû. Li ser vê esasê jî em weke Meclîsa ciwanan a mexmurê bi dawî bûn a pêngava ‘JI BO RÊBER APO TU JÎ NAMEYEK BINIVÎSE’ ji raya giştîyê re radigihînin û tevlîbûna xwe di pêngava ‘Ji Rêber Apo re Azadî, ji Pirsgirêka Kurd re Çareserî’ radigihnîn.
weke têzanîn10’ê Cotmeha 2023’an KCK jibo azadiya fîzîkî a Rêber Apo bi druşmeya ‘Ji Rêber Apo re Azadî, ji Pirsgirêka Kurd re Çareserî’ kampanyayek daye destpêkirin. Em jî weke Ciwan û jinên ciwanên wargeh a Şehîd Rustem a Mexmurê destpê kirina vê hemleyê kû li Strasboûrg û 74 navendan bi daxwaza azadiya Rêber Apo û çareseriya pirsgirêka Kurd, li ser asta navneteweyî hatiye ragihandin, weke rojeva xwe ya serke û çarenûsa hemû ciwanan û gelê xwe dibînin. Bi destpêkirina pêngavêkî bi vî rengî re hatiye îspatkirin ku têkoşîna li dijî komployê her diçe geştir û berfireh tir dibe. Bi vî rengî têkoşîna li dijî komploya navneteweyî gihiştiye asta gerdûnî û ketiye pêvajoya têkoşîna topyekûn û encamgir. Bi vê têgihiştin û berpirsyariyê em bi rihê fedayîyên demê Şehîd Erdal û Rojhatan têkoşîn dikin ku kampanya wê bigihije armanca kû hatiye destnîşankirin.
Dewleta Tirk a mêtinger qirker, tiştên ku di pêvajoya komploya navneteweyî de nekarî bi ser bixîne, niha bi konseptên êrîşê yên nû yên cûrbecûr dixwaze bi ser bixîne. Mînaka vî ya dawî jî di 12 rojan de 3 êrişên hovane û bê exlaqane ya liser wargehê me bû kû ciwanêkî fedakar û kedkar bi navê DILOVAN IŞLEK jî di van êrişan de Şehîd ket. Em jî di şexsê Şehîd Dilovan de tevahî Şehîdan bi bîrtînin û soza tolhildana van û serxistina armanca van didin.
Weke têzanîn dewlet a faşîst a AKP-MHP’ê ku dijminê Kurdan e, hêzên noker ên ku xwe dispêrin wan û bi alîkariya hevalbendên xwe yên navneteweyî dixwaze komployê nû bike û îradeya gelê Kurd teslîm bigire. Kurdîtiya berê ya teslîmkar, noker û înkarê ji nû ve ferz dike. Destketiyên demokratîk ên ku Kurdan salên dawî bi kedeke mezin afirandin, di çarçoveya konsepteke nû ya qirkirin û tasfiyekirinê de dixwaze tune bike. Lê belê gelê Kurd bi pêşengtiya jin û ciwanan jî gihîştine wê astê ku gelekî rêxistinbûyî yê polîtîk, bi rûmet û zane ye ku li hemberî ti hêza serwer serî natewîne. Ji xwe di encama têkoşîna pêncî salî ya Kurdan de destketiya herî mezin a ku bi dest xistiye, rastiya gel ê rêxistinbûyî û berxwedêre. Bi saya vê asta rêxistiniya polîtîk, gelê me wê her cûre zextên qirkirinê û îmhayê di şexsê Rêber Apo de têk bibin.
Hêzên komploger, dewleta Tirk a faşîst û hin Kurdên hevkar ên xayîn, ji bo tinekirina Rêber Apo tecrîda mutleq pêk tînin. Hesab dikin ku bi vî awayî dê Rêber Apo bêbandor bikin, lê ew ê nekaribin encam bigirin. Ji ber ku Rêber Apo êdî li cîhanê belav bûye. Rêber Apo gotibû, ‘Paraznameyên min li ku bin, pirtûkên min li ku bin, ez jî li wir im.’ Îro em dibînin ku parastin û paradîgmaya Rêber Apo gihiştiye hemû cîhanê. Rêber Apo îro ne li girav a Îmraliyê li hemû cîhanê dijî. Ti hêz nikare pêşiya vê yekê bigire. Îsbata wê jî dostên Kurdan in. Niha li seranserê cîhanê dest bi pêngaveke mezin kirine. Di dema pêngavê hatiye ragihandin de hate gotin ku divê êdî azadiya fîzîkî ya Rêber Apo pêk were û Kurd jî bibin xwedî statu. Li 74 welatên cîhanê destnîşan kirin ku ew ê ji bo vê têkoşînê mezin bikin. Em jî wek Tevgera Ciwan û jinên ciwanên wargeh a Şehîd Rustem cûdî a Mexmûrê beşdarî a xwe di pêngava ‘Ji Rêber Apo re Azadî, ji Pirsgirêka Kurd re Çareserî’ radigihnîn u emê bi biryardariyêkî mezin jibo pêşengtiya vê hemleyê têbikoşin û soz didin Rêber Apo, gelê kurd û tevahî gelên bindest kû vê hemleyê biserbixînin û bi rihê fedayî a Şehîd Sara û Şehîd Rûkenan,Şehîd Erdal û Şehîd Rojhatan agirgeh a azadiya Rêber Apo gor bikin.
Bimrê xiyanet û dagîrkerî
Bimrê faşîzm
Bijî Serok Apo
Bê Serok Jiyan Nabe
