NAVENDA NÛÇEYAN – Di dîroka Partiya Demokrat a Kurdistanê (PDK) hevkariya qirkirna Kurdan û axa Kurdistanê rastiyek e. Lê wan haqiqet bi gotina xwe, bi navlekirina xwe û bi propagandaya xwe vedişerin û dixwazin gelê meyên Kurdistanê bixapinin. Îxaneta ku PDK bi gelê Kurd û Kurdistanê kiriye, rixmê ewqas hewldan ji bo hevkariyê bi dagirkeran nekin hatiye kirin jî lê edî bû mijareke ku hemû kesên vê rastiyê dibînin nizanin çawa vê tiştê efû bikin.
“Dema em li diroka çil salên dawî ya xiyanetê dinerin, bi taybet di bin navê teşegirtina PDK’ê de û bi giranî ev pêkhateya li Başûrê Kurdistanê şênber dibe, ev dîrok careke din zindî kir. Bi dijminê sereke yê gelê me re pêwendiyên bê rêgez de her cureyê radestî pêşxistinê, bi taybet fetisandina her berxwedaniyê de bi pîlanê wan re bû yek û li ser vê bingehê tevgerîn erka xwe ya sereke zanî, rista sereke lîst. Di van salan de di hemû cîhanê de, êlên herî paşketî û hov jî, ber bi bûyîna hêzê siyasî û dewletbûnê ve çûn, lê van zêdetir parçe kir, bê desthilatî hişt û ji hêz xistin. Gelekî herî kevnar ê dîrokê û berxwedêr û erdnîgariya herî guncaw anîn rewşa dijberî pêşketina netewî. Dîsa ji bo li ser bingehekî serxwebûnê şer pêş nekeve, rista sîxurên herî xeter lîstin û xwe ji vê dûr negirtin. Mixabin ev çil sal, -Jixwe rewşa piştî şerê cîhanê yê duwem rave dike- di vê wateyê de li dijberî me serberjêr kir.“
Rêber APO
(KOMARA MÊTINGER QIRÊJ Û TAWANBARE ; rûpela 94)
Bê ixanetkaran û sixuran îro gelê Kurd azad bibe?
Kesên ku li hember gelê Kurd îxanet kiriyê di kûrahiya dîrokê de bi cih bûnê û heya îro bi berjewedinyên madîperest, ferdperestî û desthilatdar kiryarên xwe li hember gelê me ferz dikin. Eger wan nebubana, gelê Kurdistanê îro di ciheke rizgarkirî bi awayekê saxlem û durust jiyan kiribana. Lê îxanet, sixurtî di nava gelê Kurd de di dîrokê de heya îro rastiyeke. Lê ev rastî pewiste tu kes hesan nebîne û li hember vê parastina xwe, tedbirên xwe û refleksên xwe lawaz neke.
Wê rastiya îxanetkaran em li ser PDK di çend minakên de hin zedetir zelal bikin ji bo bila di peşerojê de tu kes nebêje, me nizanibû an PDK jî Kurd e û ji bo wê jî lazime em hevkariyê bikin. Bi salan Rêbertî û Tevgera Azadiya Kurdistanê bi PDK re hevdîtin çekiriye, xwest in hevkariyê bikin, an jî xwestine bila PDK tekoşina azadiya Kurdistanê alikarî neke lê bila jî alikariya dagirkeran, hevkariya dagirkeran, yanî îxanet li hember gelê Kurd jî nek in. Lê berovajî PDK wisa kir û heya îro jî wisa dike. Hevkariya dagirkeran dike, axa Kurdistanê talan dike, istixbarata xwe ji bo berjewendiyên dagirkeran bi kar tine, parastina wan dike û bi hevkariya xwe hişt ku dijmin bikaribe bikeve axa Başûrê Kurdistanê û li hember ciwanên Kurd şer dike û bi çekên qedexekiri wek kîmyasal û bombeyan taktîk nukleer ve parazwanên gelê Kurd û axa Kurdistanê, ya gerîlayên azadiya Kurdistanê êriş dike.
“Ya rastî mirov ji van re bêje kesayetên minafik baştire. Dema li ceme şeqşeqe, dema dikeve tengaviyê jî heta dawî îxanetê dike. Niha divê pêşî li vê bê girtin. Hewl didim di mînaka xwe de jî vê pêk bînim. Di radeyek mezin de girêdan û pêwendiyên min wisa ne. Li dijî vê girêdanê me. Hemû jî duristin, ji bo bibin minafikek wisa, durûyek wisa nayên girêdan. Kesayeta wan tenê dikare evqasî girêdanê ragire. Ma girêdanek ji gundîtiyê tê wê çiqas nirxa wî hebe? Di dilê xwe de ji sedî nod xwe dijî, ger hebe ji sedî deh jî ji bo dayîka xwe dijî, hebe ji Xwedayê wî re ye! Lê di rastiyê de jî girêdayî milkek biçûke û evîndarê xwe ye. Ev ne sosyalîzm, şêwaza girêdana burjuvaziya biçûke. Her kêlî jî dibe ku bê guhertin. Dikare pesnê xwedayê xwe jî bide û heman kêliyê îxanetê jî lê bike. Jixwe îxanetê jî dike.“
Rêber APO
(Di Sosyalîzmê De Israr Di Mirovbûnê De Israre; rûpela 23)
Çima helwest li hember şucên PDK dernakevin?
Ev suce û wan sucên ku îro û di dîroke de aliyê PDK ve li hember gelê Kurd û Kurdistan hatin kirin zub zu nikare bê jibîr kirin. Li hember wê pewiste di gelê Kurdistanê, taybet di nava ciwanên Kurdistanê de hers û nerazîbûyîn zêde derbikeve holê. Lê em dibînin ku, pir zêde bertek naye nîşan dan, reflex li hember wan sûcên pir zêde dernakevin. Yek bingehê wê çi bû? Xapandin bû, derew bû û ketina bin bandora pergala kapîtalist modernîte bû. Pir caran wisa derdikeve holê, rastiyê ku gelê me jiyan dike, di kurahiya xwe de femnekirin e. Li ser vê esasê helwesteke rast nişan nekirin derdikeve. Yek bingeha xwe li kuderê digire? Di xapandina xwe de digire. Ji ber ku herî zêde dizane ku ger rastiya xwe, yanî rastiya ku gelê me jiyan dike di kurahî de fambike, lazime li hember wê çareserî were avakirin, berpirsyarî rakirin û pêk anîn derbikeve. Şûna wê rev çedibe, rev li hember rastiya xwe, rev li hember pirsgirêkên gelê xwe, ref li hember êrişên ku dijimin ser me de ferz dike ye. Rev li hember jiyanê ku em tê de ne. Reva jiyanê ye. Ji ber jiyan tenê bi ked, bi hewldayin, bi tekoşîn, bi afirandin çedîbe. Bi ref jiyan nayê avakirin, bi vê tarzê, mirin çedibe. Cih vala dibin, dibin cihê bê jiyanê, yanî cihên mirinê, gelê me bê parastin nikare li ser rêyen rev pewistiyên jiyana xwe pêk bîne. Zorlama dibe, nikare xwe li hember êrişên dagirkeran û çeteyen hov û faşîst bipareze. Mirin çêdibe. Di behrên mezin de li ber çavên gelên Avrupa de di nava av de difetisin, winda dibin. Pêşeroja wan nediyare, nayê zanin.
Tişteke ku li Kurdistan diqewime ne tesadûfe, bi planê!
Rastiya ku em te de ne, ne hezane. Ne mijarêke henekan ne, Berovajî pir trajike, pir bi êşê û berpirsyartiya ya her kese ku di we dûnya ye de jiyan dike û dibejê „ez mirovim“ zede dike. Rastiyeke ku ji bo her kese bû bareke giranê. Kî we bar girantir dike, wan insanen ku naxwazin rastiya xwe bizanibin û direvin, wan kesen ku îxanet li hember axa xwe û gelê xwe dikin, wan kesen ku rewş ku hey ji bo berjendiyen xwe bi kar tinen û êşên gelê me zedetir dikin.
Tişteke ku li Kurdistan diqewime ne tesadûfe. Wan pirsgirekên bi planên qirej û demdirej hatin amade kirin û tên pêk anîn. Bi rêbazen şerê taybet, şere pîskolojîk û şerê bi çekên giran û qedexekirî tên pêk anîn û her kelî jiyanê bandor dikin.
Hebûna jiyan li Kurdistanê bi tekoşin, berxwedan, ked û xwe parastin ve mumkun e
“Îxanet li rastiyê kirin, ji bo min windakirina her tiştî ye. Ya rastî fikarên we girêdayî rastiyên jiyanê tine ne. Nexwe, ma we dikariya meşên wisa şaş bikin? Ma evqas kurt û kêmasî tên pejirandin? Naxwazim bi van gotinan gef li we bixwim. Jixwe yê ku gef li we bixwe, her roj bi qasî dikare gef dixwe. Dîsa jî ya herî rast, ne wisa bi gefan, quralên rêxistinê yên çors an jî wisa ferzkirina peywiran ve, pêngavek fikrî pêkanîn girînge. Bawerî bi hêza fikir û hêza bîrdozî anîn, karê destpêkê ye. Nexwe ji bilî vê em nikarin we bi ti rêyê sererast bikin û we bînin ser hişê we. Peyvên weke “Şerê jiyanê, şerê sosyalîzmê” di astên pêş de ne, ji bo seknên pêşveçûyî tên ravekirin.“
Rêber APO
(Di Sosyalîzmê De Israr Di Mirovbûnê De Israre; rûpela 150)
Tu pewistiyên bingehê jiyanê bigere weke av û aborî, heya tekiliyên insan re bigire weke malbat û dostantî, heya ol û çand û hûner, heya zîman, zanista însan, peşketina teqinîk hwd. Her kelî jiyanê de em dikarin rastiya we şer ku li hember me te meşandin bibînen. Ji bo we jiyan li Kurdistane bi rahatî neye parastin, Jiyan li Kurdistanê seranser nayê afirandin. Ev jiyan ku heya îro di axa Kurdistanê de hatiyê parstin û didomine, jiyaneke ku bi tekoşin, berxwedan, ked, xwîn û xwedan hatiyê parastin, Ser wî esasî mirov dikarê beje hebûna jiyan li Kurdistanê weke nirxeke, bi maneyeke mezin û her kes ku te de ye pewiste xwedî we jî derdikeve.
Xwedî derketina we bi rahatbuyin, maddiçi, ketina bin bandora şere Taybet û hwd. Çenabe. Gelek lazime mirov xwe perwerde bike, xwe zanist bike, rastiya xwe bibine û herî kem ax û xwezaiya gelê xwe diparêze, çanda gele xwe zimanê gele xwe, ola xwe diparze.
PDK xwînxariya Dehakê ya hemdem dipareze û alikariya qirkirina we dike
PDK di nava gelê me xiyanet ku dîroke de heya îro didomine bi rastiya xwe îfade dike. Çawa Enkidû di daristanan hatiyê derxistin û bû xizmetçiya korala qirker ya Gilgameş, PDK di rastiya xwe de edî durketiyê û bû hevkariya dagirkera faşîsta tirke. Her tişt ji bo xizmetdayina we ketiye tevgere. Şûna ku hebûna PKK di çiyayên Başûrê Kurdistanê de, hebûna PDK jî li hember ew xwînxwariya Dehakê ya hemdem dipareze.
“Ev ji bo netewperestiya paşketî jî wisa ye. Em baş dizanin ji aliyê Partiya Demokrat a Kurdistanê ve netewperestiya paşketî ya tê ferzkirin PDK ya bi MÎT’ê re hev girtiye. Hîn di salên 1970’ê de xwestin bi destê hinek komeleyên Kurd ferz bikin. Bi destê gelek komên Kurd ên mîna Komelaya Çandê ya Şoreşgerên Demokrat, Rizgarîxwazên Netewa Kurdistanê, Rêya Azadiyê û hwd xwestin neteperestiya paşketî wisa ferz bikin. Hîn jî bi destê Talabanî û Barzanî mêtingeriya Tirk, dixwaze netewparêziyek paşketî ya wisa serwer bike. Lê belê di şoreşa Kurdistanê de netevperestiya paşketî jî hatiye teşîr û tecrîdkirin. Ev bîst sale li dijberî van me têkoşînek berfireh meşand. Gelik bizavên van ên cuda derketin holê, lê dîsa hêza wan a sereke Talabanî bû. Rêya Azadiyê ya xwe dispêre Barzanî jî xwe wek partiya sosyalîst bi nav dike. Ev bizav ew bihêz kir. Mêtingeriyê di bin navê Rizgarî, Ala Rizgarî, Partiya Demokrat a Kurdistanê, Rizgarîxwazên Netewa Kurdistanê; Pêşeng, Kawa û navên hwd. de xwest bi bandor bibe, lê bingeha vê ya esasî hêzên feodal û eşîretparêz bûn.“
Rêber APO
(KOMARA MÊTINGER QIRÊJ Û TAWANBARE ; rûpela 18f)
https://www.nuceciwan128.xyz/ku/dosya-pdk-partiya-dagirkirina-kurdistane-ye/
https://www.nuceciwan128.xyz/ku/dosya-pdk-partiya-dagirkirina-kurdistane-ye/
https://www.nuceciwan128.xyz/ku/dosya-pdk-partiya-dagirkirina-kurdistane-ye-2/
https://www.nuceciwan128.xyz/ku/dosya-pdk-partiya-dagirkirina-kurdistane-ye-3/
https://www.nuceciwan128.xyz/ku/dosya-pdk-partiya-dagirkirina-kurdistane-ye-4/
https://www.nuceciwan128.xyz/ku/dosya-pdk-partiya-dagirkirina-kurdistane-ye-5/
