NAVENDA NÛÇEYAN – Têkoşîna PKK’ê di sala xwe ya 45’an de ye. Eger mirov li ser vê têkoşînê destanan binivisîne dê pênûs zuha bibin û pel têrê nekin. Di her salekê de bi sedan destanên qehremaniyê û cesaret derketine ,ji şehîdê destpêkê Heqî Qerer bigire heya berxwedana zindanan, heya şerê bajaran li Rojavayê kurdistanê û Bakurê kurdistanê. Di vê têkoşîna ku bi ciwanan dest pê kiriye wekî Tevgera ciwanan gelekî berdêlên giranbûha hatin dayîn. Di berxwedana Kobanê û Efrîn û Sûra Amedê û Cizîrê de gelekî qehreman di rêya azadiyê de oxir kirin, herî dawî jî li kobanê me 6 hevalên binirx berdêl dan, ji wan şeş hevalan: H.Viyan bû.
Heval Viyan bi xwe ji Bakurê kurdistanê bû wekî naskirina rêxistinê dereng rêxistinê nas dike lê dema ku rêxistinê nas dike ji rastiya rêxistinê û şehîdan bandor dibe. Soza tevlîbûna nava refên Gerîlla dide û navê xwe dike Viyan. Şehîd Viyan demekê li bajarê Qamişlo kar û xebatên ciwanan dimeşîne ,piştî wê berê xwe dide bajarê berxwedanê bajarê Şehîdan kobanê. Li Kobanê gelek pratîkên serkeftî dan meşandin û destkeftiyên bi nirx jî ava kirin dema ku mirov behsa Şehîd Viyan dike, Şehîd Viyan Peyman tê bîra mirov. Ş.Viyan Peyman bi dengbêjiyên xwe dihat naskirin Şehîd Viyan jî gelekî ji dengbêjiyan hez dikir. Kesayeta Şehîd Viyan ji bo hemû gelê Kobanê û hemû ciwanên Kobanê mînak bû ,kesayetek xwedî cesaretek şoreşgerî bû, bi cesareta xwe dihat naskirin.
Di ferhenga heval Viyan de du tişt ne dihatin dîtin: yek tirs û du jî bêmoralî bû. Heval Viyan tu carî bêmoral ne dibû her tim rûyê wê geş û biken bû, her çiqasî zor û zehmetî di nava pratîkê de bidîta jî lê hilma şoreşgeriyê û azadiyê ew zor û zehmetî vedigerand enerjiyê ,bi enerjiya xwe hawirdor hemû dixist tevgerê. Li hemberî tiştên ku zirarê dide rêxistinê û nirxên gel pir bi baldar û hesas bû, di demê wê de rexne dikir. Heval Viyan mezinkirina partî erka xwe ya sereke didît û di wê xebatê de pir rola xwe lîst. Bi dehan keç û xortên Kobanê bi rêya azadiyê, rêxistin û rastiya jiyanan azad da naskirin û li ser vê bingehê ew perwerde kirin.
Di karê xwe de pir bi awayekî ku xebat kom bike fikir û bîrdoziya serokatî belav bike tevdigerî. Li Rojavayê bajarê kobanê hemû malbatan Şehîd Viyan nas dikirin. Di dema gefên dewleta Tirk a dagirker li ser kobanê de carnan hevalên wê behsa şer dikirin ,heval Viyan jî wiha bersiv dida û digot “Eger em hemû Şehîd bikevin jî wê demê dewleta Tirk dikare bikeve”. Şehîd Viyan li hemberî dagirkeriyê xwedî helwest bû,taybetmendiya xwe ya din mutewazî bû tevî ku di nava malbetekî ne feqîr de jiyan kiribû lê herî zêde fedekarî û xwedî ked bû,bi taybetmendiyên xwe di dilê hemû hevalên xwe de cihê xwe girt û bû mînak. Çawa ku Şehîd Viyan Soran û Şehîd Viyan Peyman bûn mînaka fedayîbûnê Şehîd Viyan jî li ser rêça wan hevalan bû mînakek ji ciwanên şoreşger û jinên ciwan re. Dema ku ew 6 heval şehîd ketine bi hezaran ciwan,jinên ciwan ,kal pîr û zarok hatin heval viyan û 5 hevalên wê oxir kirin.
Lê wekî her carê ciwanên şoreşger û jinên ciwan soza xwe ya Tolhildanê dûbare kirin bi şoreşgertî û pêknanîna erkên demê soz dan ku tolê hilînin.
