BERN – Ciwanên Kurd ku îro saet derdora 11.30’an de li ber Konsolosxaneya Iraqê ya li paytexta Swîsre Bernê hatin cem hev, çalakiya bêîteatiya sivîl pêk tînin. Çalakiya ciwanên ku diyar kirin ku ew vê dorpêça li ser Mexmûrê qebûl nakin, bi dirûşma “Mexmûr wargeha jiyanê ye, li dijî dagirkeriyê em ê serî hildin” li ber Konsolosxaneya Iraqê dewam dike.
EM Ê ÎRADEYA XWE BI DEWLETA IRAQÊ NEKE
Ciwanan bertek nîşanî dorpêçkirina Wargeha Mexmûrê bi van gotinan dan.
“Em ciwanên Kurd gav paşde navêjin. Em li cem gelê Mexmûrê ne. Ev biryara gel e. Em ê li vir li ber xwe bidin. Weke gelê Mexmûrê em ê teslîmî vîna xwe nebin. Me îradeya xwe teslîmî dewleta Tirk nekir, em ê jî radestî dewleta Iraqê nekin. Ji ber vê yekê em li vir bang dikin. Ev dorpêça ku di heman demê de projeyeke qirêj a dewleta Tirk e, tê wateya dorpêçkirina me hemûyan. Berxwedana wê tê jiyîn. Em ê bi ser bikevin. Rojava, Şengal bi ser ket, Mexmûr jî wê bi ser bikeve.”
Di 20’ê Gulanê de leşkerên artêşa Iraqê bi dehan wesayîtên zirxî, çekên giran û alavên avakirinê yên bi têlan hewl dan Wargeha Mexmûrê dorpêç bikin. Gel li hemberî hewldana dorpêçkirinê li ber xwe da û artêşa Iraqê şikand.
Li dijî hewldana dorpêçkirina Mexmûrê, li Kurdistan û gelek deverên Ewropayê çalakî û çalakî hatin lidarxistin û peyamên piştgiriyê hatin dayîn.
