NAVENDA NÛÇEYAN –
Ji Dahorandinên Rêberê Gelan Abdullah Ocalan…..
Bi israr partiya me weke rêxistinek cihekar nirxandin û berdêla wê çi dibe bila be, bi her tiştê xwe ve li pey dewletê bazdana wê fişale, ne raste. Dîsa her wiha bi partiyên kevnar ên komînîst re heman rengî dîtin jî, nenirxandinek di cîh de ye. Xeta bîrdozî û siyasî ya partiya me, weke hatî gotin ne di şêwaza komînîst a kevnar de ye. Ger wisa bûya, wê bi hilweşîna sosyalîzma pêkhatî re weke partiyên rûxiyayîn, em jî ji mêj ve rûxiya bûna. Pêşketinên dawî yên nav-netewî, nexasim hilweşîna sosyalîzma Sovyetê jî, pir vekirî danî holê ku divê em wisa neyîn nirxandin.
Raste, partiya me ji destpêkê ve bi sosyalîzmê rê ketiye. Lê em baldar nêz dibin ku ev sosyalîzmek li ser bingeha zanistî ye. Em yeqîn dikin civak jî li ser bingeha zanistî dikarin bên destnîşankirin. Em jî di vê mijarê de her ku diçe ferasetek sosyalîzmê ya li gorî xweseriya xwe pêş dixin. Dikare bê lêkolînkirin, daku bê fêmkirin sosyalîzmek çawa ye. Ev hem ji bo me, hem jî ji bo derdorên bi me re eleqedar dibin wisa ye. Ramanê xwe yên bîrdozî pêşxistin, li gorî feraseta me ya mirovahî û civakî, divê xwezayî bê dîtin. Civakên bê bîrdozî û miletên bê bîrdozî jî tine ne. Li gorî rastiya di navê de dijîn guncav, weke rêya çareseriyê dikarin her bîrdoziyê jî bipejirînin. Vekirî bêjim; sosyalîzma pêkhatî û partiyên ew areste kirîn, weke ku nekarîn rastiya Kurd rast binirxînin, di înkarkirina wê de û heta evqasî xurtkirina Komara Tirk de, amûrên herî bingehîn pêşkêş kirin. Weke gel û partî, me ji vê sosyalîzmê û komînîzmê zerar dît. Lê tevî vê, em her tim bawer dikin feraseta me ya wekhevî û azadiyê bihêze, bi qasî hezkirina mirov a kûr, divê ewqas jî bi wekhevî û azad mafê her miletekê bê dîtin û pêşxistin û em ji bo vê têdikoşin. Newekhevî û bêmafiyên zêde ne tenê di navbera netewan û heta çînan de, di navbera ol‟an, navbera mezheban, navbera zayendan, navbera çandan de, bi kurtasî di navbera netew û asta nav-netewî de çiqas feraset û helwestên azadbûnê asteng dikin hebin, li dijî wê, xetek me ya li gorî cewhera mirov guncav tê pêşxistin heye. Di vê navberê
de li hember her ku diçe qirêjbûna xeter a hawirdor, zêdebûna şêniyan û xeteriya atomê bûna xwedî nêrînek herî radîqal, em pêwîstiyek feraseta vê sosyalîzmê dibînin. Weke partiyek pir bi rêgez dixwaze xwe pêk bîne û weke tevgerek xwedî çarçoveyek bîrdoziya wisa ye û hewl dide wisa be, nirxandina me dê nêzîkbûnek rasteqîn be. Ezê nekarim bi kurtasî ji her hêlê ve vebêjim ku, em xwedî feraseta sosyalîzmek çawa ne. Me bi salan pêşî gelek nirxandinên cur be cur pêş xistin, hêvîdarim hûnê lêbikolin. Lê belê dikarim bêjim ku, feraseta me ya sosyalîst, dê weke welatên serdest ên sosyalîzma pêkhatî ne bê demokrasî be, ne sosyalîzmek kes biçûk dike û dewletê
mezin dike be. Heta ji pirdengiya gelek welatên kapîtalîst zêdetir, em girêdayî pirdengî, xwedî ferasetek demokratîk û ferasetek dewlet di wateya kevnar de ji dewletbûnê derdixê ne. Dîsa kapîtalîzma dewlet û
sosyalîzma xwe dispêrê wê, nêzîkbûnek aborî ya em napejirîne. Em yeqîn dikin pêdivî bi vesaziyek aborî ya nû, ya ku kes bikare serbest jêhatiyên xwe pêş bixe heye. Li hember hemû bîrdoziyên ku bi navê dewletê pêşketina kes
asteng dikin bertekên me hene. Her wiha em dixwazin bêjin, di vê navberê de ji ber her miletek heta dawî xweseriya çanda xwe najî, binyatek civakek yekbêjî ango monolog pir xetere. Kurtasî feraseta kesek ku heta dawî dikare çanda xwe ya dewlemend û jêhatiyên xwe pêş bixe, yek ji pîvanên bîrdoziya me ya em pir baldar nêz dibine. Em zêde ji ferasetên nexasim dewlet her tişte, –kes ne ti tişte yan jî kes her tişte- berjewendiyên civakî ne titişte dûr disekinin û li hember bibertekin. Bi qasî ji civakê re hewce ye mafên kes, bi qasî ji kes re hewce ye
feydeyên civakî û sazûmaniya gelemperî, weke rêgez xalên ku em hewl didin pê ve girêdayî bimînine. Yeqîn dikim ji bo xwe dana naskirinê evqas bese.
