NAVENDA NÛÇEYAN – Rêberê Gelan Abdullah Ocalan di Girtîgeha Îmraliyê ya Tîpa F’yê de di şert û mercên giran ên tecrîdê de tê girtin. Birayê wî Mehmet Ocalan û wasiyê wî Mazlûm Dînç û malbata Omer Hayrî Konar, Hamîlî Yildirim û Veysî Aktaş ên di Girtîgeha Îmraliyê de ji bo hevdîtinê bikin serî li Serdozgeriya Komarê ya Bursayê û Midûriyeta Girtîgeha Îmraliyê dan.
HEVDÎTIN TÊ ASTENGKIRIN
Parêzer ji bo dîtina Rêberê Gelan Abdullah Ocalan, hefteyê du caran serlêdanê dikin, lê bersiveke erênî ya jî nerênî ji bo serlêdanan nayê dayîn. Parêzeran 22’yê Mijdara 2021’ê serî li Dadgeha Ceza û Înfazê ya Bûrsayê da. Dadgeriyê, bi hinceta qedexeya ji bo hevdîtinê ya 6 mehan a 12’ê Cotmeha 2021’an derbarê Rêber Apo de hat dayîn û biryara qedexeya hevdîtinê ya bi 3 mehan a bi malbatê re, ku di 18’ê Tebaxê de hatibû dayîn, serlêdan red kir. Lê têkildarê biryarên ku weke hincet hatin nîşandan, agahî nedan parêzeran.
Tevî ku qedexeya hevdîtinê ya bi malbatê re 18’ê Mijdara 2021’an bi dawî bû, ji ber ku tu bersiv ji bo serlêdana parêzeran a ji bo Serdozgeriya Komara Bûrsayê nehat dayîn, parêzeran cardin 28’ê Adara 2022’yan serî li Dadgeha Înfazê ya Bûrsayê da û daxwaz kirin ku hemû astengiyên derhiqûqî yên li ber serdanên malbatan bên rakirin û malbat bikarin hevdîtinê bikin.
Dadgeriyê di hinceta redkirinê de got ku têkildarê Rêberê Gelan Abdullah Ocalan, cezayekê nû yên disîplînê hatiye dayîn, lewma wê hevdîtin pêk neyê.
Di biryara redkirinê ya dadgeriyê de wiha hate gotin: “Serokatiya Desteya Disîplînê ya Îmraliyê, têkildarî hemû serlêdanan, 3’yê Sibata 2022’yan cezayê disîplînê yê nekirina hevdîtinê bi malbata xwe re bi 3 mehan da û bi îdiaya di 21’ê Sibatê de hatiye teqezkirin, daxwaz hat redkirin.”
Parêzeran li ser biryara redkirinê ya dadgeriyê, 12’ê Adarê astengkirina serlêdanên malbatê bi cezayê disîplînê yê “derhiqûqî”, bir Dadgeha Destûra Bingehîn (AYM). Parêzeran di serlêdana kirin de, bal kişandin ser “încommunîcado” ku rewşa bêpeywendî ya teqez e, agahî negirtin êşkence ye û daxwaza tespîtkirina binpêkirinên mafê rêzdariyê ya malbat û jiyana taybet, mafê parastin û darizandina adilane û rêya serlêdana bi bandor, kirin. AYM’ê hîn bersivek ji bo vê serlêdanê, nedaye.”
Parêzerên Buroya Hiqûqê ya Sedsalê, piştî ku qedexeya bi sê mehan a hevdîtina bi malbata xwe re ya Rêberê Gelan Abdullah Ocalan û girtiyên din bi dawî bû, cardin serlêdan ji bo hevdîtinê hat kirin, hat xwestin ku hemû astengiyên ji bo hevdîtina bi malbatan re hatine danîn bên rakirin û heke cezayên dîsîplînê yên nû hebin bila ragihînin wan. Dadgêriyê, serledan red kir.
Dadgêriyê hinceta redkirina xwe wek ‘“cezayên dîsîplînê berdewam in“ da zanîn. Parêzeran jî 15’ê Hezîranê îtiraz li Dadgeha Cezayên Giran a 1’emîn a Bûrsayê kir.
Dadgehê 23’ê Hezîran bersiva îtîraza parêzeran da. Bi hinceta ku cezayê dîsîplînê yê Rêberê Gelan Abdullah Ocalan girtiyên din berdewam e, îtîraz red kir.
Cezayê bi sê mehan li Rêberê Gelan Abdullah Ocalan hat birîn, 15’ê Îlonê bi dawî bû. Piştî ku qewilê qedexeyê qediya, 16’ê Îlonê ji bo hevdîtinê serî li Serdozgeriya Komarê ya Bûrsayê da. Lê tu bersivek ji bo serlêdanê nehat dayîn. Ji wê boneyê, parêzeran, 23’yê Îlonê serî li Serdozgeriya Komarê ya Bûrsayê û Midûriyeta Girtîgeha Îmraliyê da û daxwaza hevdîtîna malbatan bi girtiyan re kir. Dadgêrî, serlêdana 5’ê Cotmehê hat kirin, red kir. Di boneya redkirina ya dadgêriyê de, hat îdiakirin ku bi cezayê bi sê mehan ê 9’ê Îlonê li girtiyan hatiye birîn, qedexeya hevdîtina bi malbatê re 28’ê Îlonê teqez bûye.
Balkêş e ku beriya serdana CPT, cezayê dîsîplînê tê dayîn. CPT‘yê bi daxuyaniya ku 3’yê Cotmeha da, ragihand ku 20-29’ê Îlonê serdana Tirkiyeyê kiriye. Di daxuyaniya CPT’yê de hat ragihandin ku serdana Girtîgeha Îmraliyê jî hatiye kirin. Lê têkildarê hûrguliyên serdanê tu notekê agahdarkirinê neda par nekir.
Parêzerên Rêberê Gelan Abdullah Ocalan, Rezan Sarica û Newroz Ûysal piştî 8 salan herî dawî 2-22’yê Gulanê, 12-18’ê Hezîranê û 7’ê Tebaxa sala 2019’an hevdîtin kir. Rêberê Gelan Abdullah Ocalan, mafê xwe yê axaftina bi telefonê cara yekemîn karî 27’ê Nîsana 2020’î bi kar bîne.
