NAVENDA NÛÇEYAN –
Ji Pênûsa fermandar Ş. Çîcek Kiçi
Li serê çiya berfe, di dolê de jî, ango di deştê de bihar hatiye. Her der kesk bûye.
Cîhan gelek xweşe, lê Kurdistan bi deh qatî jê xweştire. Lê belê dijminê mirovahiyê, yê xwînmêj û dagirker, dîsa dixwaze bikeve tevgerê. Dîsa dixwaze li ser gel û welatê me de were. Cardin dixwaze PKK’ê bi carekê ji holê rake. Ji holê rakirina PKK’ê xeyalê dijmin ê herî mezine. Lê, ev xeyalê wan wê di qirika wan de bimîne. Wê ti carî nikaribin gelê me radest bigrin.
Di tevahî dîrokê de, bi ruxmê her awayî êrîş, qir kirin û siyasetên bişavtinê, tu caran gelek bi temamî nehatiye tune kirin. Ger dor were gelê Kurd û PKK’ê, rastiyek heye ku ewana asta pevçûn û şerê xwe gihandine lûtkeyê û ji ber vê sedemê, wê ti kes nikaribe wana xilas bike. Gotina em’ê PKK û gelê Kurd xilas bikin, gotina kesên nezane. Kesên xwedî zanist, hestên mirovahiyê diparêzin, tunebûna gelan û ya mirovan naxwaze. Di milek din de, kesên ji rûmeta xwe ya mirovahiyê dûr ketine, li beramberî çend qurûş pere xwe firotine. Dewleta Tirk û artêşa wê ya dagirker, dixwazin bi rastiya gelê me û ya welatê me bileyîzin. Lê wê ti carî nekaribin. Ji bo ku PKK’ê bi riya şerek dijwar tune bikin, bi emperyalîzmê re dibin yek.
Me silavek ji Rêbertî girt
Grûba ku ji qada Rêbertî hatibû, ji navenda biryargeha YAJK’ê hate cem me. Bi rêya wan ve silavên Rêbertiya partiyê gihiştin me. Em wek hevalên yekîneya şehîd Jiyan gelek kêfxweş bûn. Belê silavên Rêbertiya me ji me re hat. Rêberê me cihê xwe di nava dilê me kurdan û tevahî gelên bindest de girtiye. Lê belê em di kesayeta xwe de gelek ezezîbûnê jiyan dikin û wezîfeya xwe ya şoreşgerî di dema wê de bi cih naynin.
Ez gelek mereq dikim Rêbertî bibînim. Ji hevalan re gotiye xweziya min dûpişkeke çiyayên welat bidîta. Dibe ku dipûşk wek dijminekî be, lê ger min bidîta ezê gelek kêfxweş bibama. Ma ne ew jî zindiyakî welatê me ye. Gelek dihizirim û her roja derbas dibe zêdetir rewşa Rêbertî mereq dikim. Rêbertî heskirina min a şer û jiyanê xurtir dike. Niha dema ku her peyveke rastiya Rêbertiya partiyê dixwînim, bêhtir fêm dikim û hewl didim li gorî vê rastiyê tevlîbûnek xurt bidim çêkirin.
Ji Pênûsa fermandar Ş. Çîcek Kiçi
